साथीको कुटाइबाट मलेसियामा ज्यान गुमाएका किशोरको शव आउँदा सिंगो गाउँ शोकमा

 असार ५, २०७५ मंगलबार १२:१४:५८ | रासस

पर्वत – साथीहरुको कुटाइबाट मलेसियामा ज्यान गुमाएका पर्वतका युवा किशोर केसीको शव तीन हप्तापछि नेपाल ल्याइएको छ । 

पर्वतको मोदी गाउँपालिका ५ बाजुङ धमिलपानी गाउँका किशोरको शव सोमबार बिहान घरमा आएको हो । गएको जेठ १५ गते साथीहरुले कुटेर किशोरको हत्या गरेका थिए । 

रोजगारीका लागि विदेश किशारको आफ्नै साथीले कुटेर हत्या गरेपछि सिंगो गाउँ शोकमा डुबेको छ । किशोरको शव गाउँमा आएपछि गाउँले श्रद्धाञ्जलि दिन पुगेका थिए । उनको सोमबार बिहान मोदीखोलामा दाहसंस्कार गरिएको छ । बाबु भीमबहादुर छोरो शवमा दागबत्ती दिनुभएको थियो ।

पूर्वी नेपालका चार जना युवाले किशोरलाई कुट्पिट गरेका हुन् । उनीहरु सँगै काम गर्ने साथी हुन् । 

कुटाइ पछि घाइते भएका किशोरको मलेसियाको पुत्रोदय अस्पतालमा उपचारका क्रममा मृत्यु भएको थियो । साथीहरुले रडले प्रहार गर्दा उनको पेटमा गहिरो चोट लागेको थियो । 

२० महिनाअघि रोजगारीका लागि मलेसिया पुगेका किशोर परिवारका कान्छा सन्तान हुन् । उनका बुवा  भीमबहादुर पनि वैदेशिक रोजगारीमा जाने आउने गरिरहनुभएको थियो । 

कुटपिट गरी हत्या गर्ने साथीहरु चारैजना प्रहरी नियन्त्रणमा रहेपनि एकजनालाई दोषी देखाएर अन्य उम्केको पाइएको छ । चारैजना दोषी भएपनि एकजनालाई जिम्मेवारी स्वीकार गर्न लगाई अन्य रिहा भएको सूचना आएको स्थानीयवासी भक्त कुँवरले बताउनुभयो । 

याे पनि पढ्नुहाेस् 

मलेसियामा ज्यान गुमाएका युवाको शव नेपाल झिकाइदिन अनुराेध

1 Comments

  • नर बहादुर रोका मगर

    June 19, 2018, 4:11 p.m.

    चारै जना लाई सजाय दिनु पर्छ

तपाईको प्रतिक्रिया

समाचार

लोकप्रिय

१

अष्ट्रेलियाका खेलाडीलाई धकेलेपछि विराट कोहलीलाई जरिमाना

२

चीनले तिब्बतमा विश्वकै विशाल बाँध र जलविद्युत बनाउने

३

राष्ट्र बैंकले तीन वटा रेमिट्यान्स कम्पनीको इजाजत खारेज गर्‍याे

४

यमनको साना अन्तर्राष्ट्रिय विमानस्थलमा भएको बम आक्रमणमा डब्ल्यूएचओका प्रमुख जोगिए

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई