यूएईमा समस्यामा परेका नेपालीलाई सेञ्चुरी बैंक र आईएमईको सहयोग

 जेठ १९, २०७७ सोमबार १५:२१:६ | उमाकान्त पाण्डे

यूएई – यूएईमा समस्यामा परेका नेपालीलाई दुईवटा रेमिट्यान्स कम्पनीले सहयोग गरेका छन् । सेञ्चुरी बैंकको सेञ्चुरी रेमिट र आईएमई रेमिटले खाद्यान्न तथा दैनिक उपभोग्य सामाग्री सहयोग गरेका हुन् ।

सेञ्चुरी रेमिटले आइतबार आबुधाबीको राहत वितरण टोलीलाई तीन सय किलो चामल र  ५४ लिटर तेल लगायत खाद्यान्न सामाग्री सहयोग गरेको छ । सेञ्चुरी रेमिटले एनआरएनएको राहत वितरण टोलीलाई आबुधावीमा खाध्य सामग्री प्रदान गर्ने सेञ्चुरी बैंकका यूएई प्रमुख प्रकाश पौडेलले बताउनु भयो ।

यस्तै आईएमई रेमिटले राहत वितरणमा खटिरहेका नेपाली संस्थामार्फत सहयोग हस्तान्तरण गरेको छ । आईएमईले एनआरएनए, नेपाली समाज र आबुधाबीमा रहेको राहत वितरण टोलीलाई गरी ५ हजार दिर्हाम (१ लाख ६० हजार रुपैयाँ भन्दा बढी) को सहयोग उपलब्ध गराएको यूएईका आईएमई प्रमुख उत्तम बस्नेतले उज्यालोलाई जानकारी दिनुभयो ।

दुबईमा गैरआवासीय नेपाली संघका उपाध्यक्ष पासाङ शेर्पा  तथा नेपाली समाजका प्रतिनिधिलाई आइतबार सहयोग अन्तर्गतको खाद्यान्न सामाग्री उपलब्ध गराइएको थियो । यस्तै आबुधाबीमा सोमबार सहयोग हस्तान्तरण गरिएको थियो ।  

आबुधाबीमा राहत वितरण टोलीका तर्फबाट कृष्ण गौतम, दुर्योधन कार्की, महेश श्रेष्ठ लगायतका प्रतिनिधिले उपलब्ध सहयोग सामग्री बुझ्नुभएको हो । प्राप्त सामाग्री राहत वितरण टोलीले खानाको समस्यामा परेका नेपालीलाई प्रदान गर्नेछ ।

याे पनि पढ्नुहाेस्

 

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

2 Comments

  • Shyam bahadur bohara chhetri

    June 2, 2020, 5:25 p.m.

    कम्पनी ३ महिना देखि बन्द हुनाको कारण र कम्पनीले खान बस्नको व्यवस्था नगरेको हुँदा सबै आफैले समस्या भोग्नु पर्दा धेरै दु:ख पाउनु परेको छ /

  • Hari bashyal

    June 2, 2020, 5:21 p.m.

    भिजिट भिसामा आएको ३ महिना भन्दा धेरै भैसक्यो...काम पनि कतै पाएको छैन ...रुममा बस्न र खान धेरै दु:ख भएको छ /

तपाईको प्रतिक्रिया

समाचार

लोकप्रिय

१

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

२

कीर्तिपुरमा कीर्ति : रुखमा मान्छे, डाँडामा ल्यापटप, देउवा र प्रचण्डसँग ट्रफी !

३

आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसार काम गरिरहेका छौँ

४

२ वटा मुद्दामा रवि लामिछानेसँग ३१ करोड रुपैयाँ बिगो दाबी

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई