आबुधाबी र कुवेतबाट काठमाण्डौ आइपुगे तीन सय नेपाली

असार ११, २०७७ बिहीबार ८:५९:२१ | उज्यालो सहकर्मी

काठमाण्डौ – आबुधावी र कुवेतबाट तीन सय एक जना नेपाली आइपुगेका छन् । यूएईको आबुधाबीबाट हिमालय एअरलाइन्समार्फत १५२ जना नेपाली काठमाण्डौ आइपुगेका हुन् ।

यस्तै कुवेतबाट नेपाल एअरलाइन्सले १४९ जना लिएर काठमाण्डौ आइपुगेको छ । आज कतारको दोहाबाट पनि हिमालय एअरलाइन्समार्फत नै १५२ जना फर्कने तालिका रहेको छ । जापानको नारिताबाट नेपाल एअरलाइन्सको चार्टर्ड उडानमार्फत २५४ जना स्वदेश फर्कनेछन् ।

कतार एअरवेज कतारको दोहा र एअर अरेबिया यूएईको सारजहाबाट नेपाल आउने तालिका रहेको विमानस्थलले जनाएको छ । यस्तै आज नेपाली लिन जहाजहरु विभिन्न ठाउँमा जाने तालिका रहेको छ । आज विमानस्थलमा १३ वटा अन्तर्राष्ट्रिय उडान हुनेछन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)