आज पनि विभिन्न उडानमार्फत नेपाली स्वदेश फर्कंदै

असार १२, २०७७ शुक्रबार ७:४०:५७ | उज्यालो सहकर्मी

काठमाण्डाै – आज पनि विभिन्न देशहरूबाट करीव एक दर्जन उडानमार्फत नेपालीहरु स्वदेश फर्कंदैछन् । बहराइनबाट नेपाल एअरलाइन्सको दुई चार्टर्ड उडानमार्फत नेपालीहरु स्वदेश फर्कंदैछन् भने मलेसियाको क्लालाम्पुरबाट त्यहाँ समस्यामा रहेका नेपालीहरु स्वदेश फर्कंदैछन् ।

मलेसिया र बहराइनबाट नेपाली लिएर आउने जहाजले कति सङ्ख्यामा नेपाली लिएर आउँछ भनेर खुलाइएको छैन । जहाजमा केही नेपालीको शवसमेत स्वदेश ल्याईंदैछ । यस्तै आज कुवेतमा आममाफीमा सहभागी नेपाली पनि स्वदेश फर्कदै छन् । कुवेतको जजिरा एअरमार्फत त्यहाँ आममाफीमा सहभागी झण्डै १५० जना नेपाली स्वदेश फर्कने कुवेतका लागि नेपाली राजदूत दुर्गाप्रसाद भण्डारीले जनाकारी दिनुभयो ।

आज ६ ठाउँमा नेपाली लिन हिमालय एअरलाइन्स र नेपाल एअरलाइन्सका जहाज जाँदैछन् । नेपाल एअरलाइन्स नेपाली लिन मलेसियाको क्लालाम्पुर, हङकङ, अस्टे«लियाको मेलबर्व, यूएईको दुबई र साउदीको रियाद जाँदैछ ।

यस्तै हिमालय एअरलाइन्सको चार्टर्ड जहाज नेपाली लिन साउदीको दमाम आज जानेछ भने भोलि बिहान नेपालीहरु लिएर काठमाण्डौ फर्कनेछ । श्री एअरलाइन्सको जहाज आज युंगुन जाँदैछ ।

आज विदेशमा समस्यामा परेको नेपाली ल्याउन र लिन जानका लागि १० वटा अन्तर्राष्ट्रिय उडान हुने त्रिभुवन अन्तर्राष्ट्रिय विमानस्थलले जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)