मलेसियामा समस्यामा परेका नेपालीको स्वदेश फिर्तीका लागि नयाँ उडान तालिका सार्वजनिक

 असार १६, २०७७ मंगलबार ११:५३:२७ | उज्यालो सहकर्मी
unn.prixa.net

काठमाण्डौ – मलेसियामा समस्यामा परेका नेपालीको स्वदेश फिर्तीका लागि बुधबारदेखि विभिन्न एअरलाइन्सले ९ वटा उडान भर्ने भएका छन् । बुधबार जुलाई १ देखि जुलाई १० सम्मको नयाँ उडान तालिका सार्वजनिक भएको हो ।

८ दिनको अवधिमा नेपाली र विदेशी जहाजले ९ उडान भर्ने मलेसियामा रहेको नेपाली दूतावासले जनाएको छ । जुलाई २ मा नेपाल एअरलाइन्स र मलिण्दो एअरले, जुलाई ३ मा मलिण्दो एअरले, जुलाई ४ मा नेपाल एअरलाइन्सले, ६ मा हिमालयले, ७ मा नेपाल एअरलाइन्सले, ८ मा हिमालय एअरलाइन्सले र जुलाई ९ र १० मा पनि नेपाल एअरलाइन्सले नै उडान भर्ने तालिका दूतावासले सार्वजनिक गरेको छ ।

हिमालय एअरलाइन्स र नेपाल एअरलाइन्सले १५ सय ९० मलेसियन रिंगिट अर्थात ४५ हजार एक सय रुपैयाँ भाडादर तोकेको छ भने मलिण्दोले केही सस्तो १५ सय मलेसियन रिंगिट भाडा तोकेको छ ।

समस्यामा परेका, विभिन्न कारणले नेपाल फर्कनैपर्ने अवस्थामा रहेका नेपालीले स्वदेश फिर्तीका लागि दूतावासमा आफ्नो समस्यासहित आफ्नो विवरण टिपाउनुपर्छ । स्वदेश फर्कनेको साथमा चेकआउट मेमो या बिदामा फर्कने हो भने बिदाको कागज साथमा अनिवार्य रुपमा हुन पर्नेछ । सरकारले तोकेको मापदण्ड अनुसार नेपाल आइपुग्ने दिनले सात दिनभित्र कोरोना जाँच पनि गर्नुपर्छ ।

1 Comments

तपाईको प्रतिक्रिया

समाचार

लोकप्रिय

१

गुल्मीको धुर्काेटमा एउटै परिवारले चार सय मुरी धान फलायो

२

अर्जेन्टिना विश्वकपका लागि छनोट : चीनलाई हराउँदै जापान छनोट नजिक

३

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

४

पुटिनद्वारा नयाँ आणविक सिद्धान्तमा हस्ताक्षर, युक्रेनलाई ल्यान्ड माइन दिन बाइडेन सहमत

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई