अगष्ट ३१ पछि कुवेतले भिसाको अवधि नथप्ने, अवधि सकिएकालाई नवीकरण गर्न अनुरोध

 भदौ ३, २०७७ बुधबार १०:१७:३ | उज्यालो सहकर्मी
unn.prixa.net

काठमाण्डौ – कुवेतले भिसाको अवधि सकिएका आप्रवासी श्रमिकको भिसाको म्याद अगष्ट ३१ भन्दा पछि नबढाउने बताएको छ ।

कुवेतको आन्तरिक मन्त्रालयले यसअघि कोरोना महामारीका कारण भिसाको म्याद थप गरे पनि अब भने अगष्ट ३१ पछि नथप्ने बताएको खबर गल्फ न्युजले लेखेको छ । यसअघि कुवेतले भिसाको म्याद सकिएको आप्रवासीको भिसा अवधि स्वतः नवीकरण गरेको थियो । तर त्यो समय अगष्ट ३१ देखि सकिंदैछ ।

यो निर्णयबाट ४ लाख ५ हजार आप्रवासी श्रमिकले फाइदा लिएका कुवेतले जनाएको छ । यस्तै झण्डै २ लाख ६० हजार श्रमिकले आन्तरिक मन्त्रालयको वेवसाइटबाट भिसा नवीकरण गरेका छन् । तर पनि झण्डै १ लाख ४५ हजार आप्रवासी श्रमिकले यस अवसरको फाइदा नउठाएको कुवेतको अनुमान छ ।

उनीहरुलाई आन्तरिक मन्त्रालयको वेवसाइटबाट जतिसक्दो छिटो भिसा नवीकरणका लागि निवेदन दिन अनुरोध गरिएको छ । भिसा नवीकरण नगरेमा उनीहरु बसोबासको नियम उल्लङ्घन गर्नेमा गनिने र कानुनी झन्झटसँगै जरिवाना समेत हुनेछ ।

भिजिट भिसामा, पारिवारिक भिसा लगायतका भिसामा कुवेत गएकाहरु पनि अगष्ट ३१ सम्ममा आफ्नो देश फर्कन सक्ने र यो अवधिमा फर्कंदा कुनै जरिवाना नलाग्ने कुवेतले जनाएको छ ।

तर यो अवधिमा स्वदेश नफर्किएमा उनीहरुलाई जरिवाना हुनेछ भने कुवेतले कालोसूचीमा राख्नेछ । कालोसूचीमा परेकाहरु फेरि कुवेत जान पाउने छैनन् ।

1 Comments

तपाईको प्रतिक्रिया

समाचार

लोकप्रिय

१

नेपाल एअरलाइन्सको अन्तर्राष्ट्रिय भाडादरमा छुट

२

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

३

नेपाली युवा टाेलीले जित्याे कर्नाटकसँगको पाँच खेलको शृङ्खला

४

रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र प्रहार गर्‍याे

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई