कुवेतबाट नेपाल एअरलाइन्समार्फत २३ अगष्टमा नेपाल आउने टिकट काटेका यात्रु २८ अगष्टमा हुने उडानमार्फत फर्कन पाउने

भदौ ९, २०७७ मंगलबार १८:४:३३ | उज्यालो सहकर्मी

काठमाण्डौ – अगष्ट २३ मा नेपाल एअरलाइन्समार्फत कुवेतबाट नेपाल फर्कन टिकट काट्नुभएको थियो ? थियो भने त्यस टिकटबाट नै तपाईँ अगष्ट २८ मा नेपाल फर्कन पाउनु हुने भएको छ ।

अगष्ट २३ मा टिकट लिएका यात्रुको स्वदेश फिर्तीका लागि नेपाल एअरलाइन्सले अगष्ट २८ मा उडान भर्ने भएको छ । अगष्ट २८ मा यात्रा गर्नका लागि आफ्नो टिकट र होटल बुकिङ्ग पुनः प्रमाणित गर्न नेपाल एअरलाइन्सले अनुरोध गरेको छ ।

अगष्ट २३ को उडान रद्द भएका कारण त्यस उडानमार्फत नेपाल फर्कने टिकट लिएका यात्रुले अगष्ट २६ अर्थात भोलिसम्म होटल र आफूसँग भएको टिकट आफ्नो प्रतिनिधिमार्फत पुनः प्रमाणिकरण गर्न सकिन्छ ।

यसरी सम्पर्कमा आएका यात्रुलाई २८ अगष्टमा हुने उडानमा समावेश गरिने र सम्पर्कमा नआएका यात्रुको पूरै रकम फिर्ता गरिने एअरलाइन्सले जनाएको छ ।

कुवेतबाट नेपाल एअरलाइन्सले २८ र ३१ अगष्टमा दुई वटा चार्टर्ड उडान भर्दै छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)