बिहीबार साउदीबाट ४१७ जना नेपाली स्वदेश आइपुगे, भोलि मलेसियाबाट आउँदै

भदौ ११, २०७७ बिहीबार १८:३४:२९ | उज्यालो सहकर्मी

काठमाण्डौ – आज बिहीबार साउदीबाट ४१७ जना नेपाली घर फर्किएका छन् ।

हिमालय एअरलाइन्सको चार्टर्ड जहाजमार्फत १५४ जना नेपाली स्वदेश फर्किएका हुन् भने रियादबाट नेपाल एअरलाइन्समार्फत २६३ जना नेपाली स्वदेश आइपुगेका त्रिभुवन अन्तर्राष्ट्रिय विमानस्थलले जनाएको छ । दमामबाट दुई र रियादबाट ४ जना नेपालीको शव पनि आज नेपाल ल्याइएको छ ।

आज राति हिमालय र नेपाल एअरलाइन्सका एक, एक जहाज मलेसियाको क्लालाम्पुर नेपाली लिन जाँदैछन् । यी दुई जहाजमार्फत मलेसियाबाट भोलि बिहान नेपालीहरु स्वदेश आइपुग्नेछन् ।

अहिले नेपालीको स्वदेश फिर्तीका लागि चार्टर्ड उडान भइरहेको छ भने मलेसिया, यूएई र कतारबाट भदौ १६ गतेदेखि नियमित उडान हुँदैछ । पीसीआर परीक्षण सहज नभएको साउदी, कुवेत लगायतका देशबाट भने चार्टर्ड उडान नै हुनेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)