आज आठ अन्तर्राष्ट्रिय उडानबाट फर्किए ४ सय ८९ नेपाली

भदौ १४, २०७७ आइतबार २०:२५:४५ | रासस

काठमाण्डाै – त्रिभुवन अन्तर्राष्ट्रिय विमानस्थलमा आगमन र प्रस्थान दुवैगरी आज आठ अन्तर्राष्ट्रिय चार्टर्ड उडान भएका छन् । यी उडानमार्फत विदेशमा अलपत्र चार सय ८९ नेपाली स्वदेश फर्किएका छन् ।

नेपाल एअरलाइन्सले क्वालालम्पुरबाट एक सय ५१ यात्रु ल्याएको छ । हिमालय एअरलाइन्सले क्वालालम्पुरबाट एक सय ५६ यात्रु ल्याएको छ । मालिण्डाे एअरले क्वालालम्पुरबाट एक सय ७३ नेपाली काठमाण्डाै ल्याएको छ । यस्तै श्रीएअरलाइन्सले बैंककबाट एक शव नेपाल ल्याएको विमानस्थल कार्यालयले जनाएको छ ।

सोमबार पनि नेपाल एअरलाइन्स र हिमालय एअरलाइन्सका चार अन्तर्राष्ट्रिय उद्धार उडान हुने विमानस्थलको तालिका छ । नेपाल एअरलाइन्सले दुबई र दोहा तथा हिमालय एअरलाइन्सले अबुधाबी र दोहामा चार्टर्ड उडान गर्नेछन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)