शारजाहबाट काठमाण्डाै आएका १४२ यात्रुकाे रकम फिर्ता गर्न एअर अरेबियालाई निर्देशन

 भदौ १७, २०७७ बुधबार १७:१५:१५ | रासस
unn.prixa.net

काठमाण्डाै – सरकारले एअर अरेबियालाई यात्रुको रकम फिर्ता गर्न निर्देशन दिएको छ । संस्कृति, पर्यटन तथा नागरिक उड्डयन मन्त्री योगेश भट्टराईले २५ अगस्टमा १६१ यात्रु लिएर यूएईको शारजाहबाट काठमाण्डाै आएकामध्ये १४२ जना यात्रुको रकम फिर्ता गराउन निर्देशन दिनुभएको हो ।

मन्त्रालयमा बुधबार नियमित उडानहरुको भाडा दर र चार्टर्ड उडानको गुनासोको सम्बन्धमा बसेको बैठकमा पर्यटन मन्त्री भट्टराईले  यात्रुको रकम फिर्ता गर्न एअर अरेबियालाई निर्देशन दिनुभएको पर्यटन मन्त्रीको निजी सचिवालयले जनाएको छ ।

एअर अरेबियाले १४२ जना पीसीआर गरेको, १८ जनाकाे आरडीटी गरेको र एक जनाको परीक्षण नगरेको यात्रु ल्याएर सबैलाई होटल क्वरेण्टीनमा राखेपछि त्यसबापतको रकम फिर्ता गराउन मातहतका निकायलाई पर्यटन मन्त्रीले निर्देशन दिनुभएको हो । मन्त्री भट्टराईले सबै यात्रुबाट होटल खर्च उठाएको तर पछि यात्रुले नै तिरेको गुनासो आएपछि तुरुन्तै रकम फिर्ता गराउन र  फिर्ता नगरे कारबाही गर्नसमेत निर्देशन दिनुभयो ।

अन्तर्राष्ट्रिय नियमित उडानहरु महँगो भएको गुनासो आएपछि मन्त्री भट्टराईले नेपाल वायु सेवा निगमका र हिमालय एअरलाइन्सको उडान भएको सेक्टरमा वायु सेवा निगमले तय गरेको भाडादर अनुसार उडान गराउन विदेशी एअरलाइन्सलाई उडान अनुमति दिन नेपाल नागरिक उड्डयन प्राधिकरणलाई निर्देशन दिनुभयो ।

मन्त्री भट्टराईले टिकटमा ट्राभल्स एजेन्सीले अनियन्त्रित रुपमा कालोबजारी गरेको गुनासो आएपछि एअरलाइन्सले नियन्त्रण गर्नुपर्ने धारणा राख्दै अनुगमन तथा सहजीकरणका लागि विदेशी कुटनीतिक नियोग, गैरआवासीय नेपाली सङ्घ (एनआएन) लाई आग्रह गर्नुपर्ने धारणा राख्नुभयो । 

2 Comments

  • पासङ शेर्पा

    Sept. 3, 2020, 1:02 p.m.

    नियमित उडानतालिका अनुसार बिदेशमा फसेका हामी नेपाली आफ्नो देश फर्किन अझै १० बर्ष लाग्ने अनुमान गरेको छु ! यो कस्तो खालको उडान तालिक हो? यो कस्तो खालको उद्दार हो?

  • Rasmi Gurung

    Sept. 2, 2020, 6:08 p.m.

    हामिले सेप्टेम्बर ४ तारिख को नर्मल टिकट लिएका थियौ ।ट्रभल्स बाट तर त्यो टिकट क्यन्सिल भयो ।अब सेप्टेम्बर महिना भरी फ्लाईट छैन भन्छ ट्रभल्स ले हाम्रो ओभर इस्टे को फाईन धेरै तिर्नु पर्छ अब खान बस्न लाई गारो छ कम्पनी ले अब बस्न दिदैन ।एम्बेस्सी ले वस्ता गर्दैन यो अवस्थामा के गर्नु ।।

तपाईको प्रतिक्रिया

समाचार

लोकप्रिय

१

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

२

कीर्तिपुरमा कीर्ति : रुखमा मान्छे, डाँडामा ल्यापटप, देउवा र प्रचण्डसँग ट्रफी !

३

आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसार काम गरिरहेका छौँ

४

२ वटा मुद्दामा रवि लामिछानेसँग ३१ करोड रुपैयाँ बिगो दाबी

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई