नियमित उडानमार्फत फर्कन थाले नेपाली, मलेसियाबाट आइपुगे १३३ जना, जापान र माल्दिभ्सबाट पनि आउँदै

भदौ १७, २०७७ बुधबार १८:११:१२ | उज्यालो सहकर्मी

काठमाण्डौ – आजदेखि नियमित उडानमार्फत नेपालीहरु स्वदेश फर्कन थालेका छन् ।

मलेसियाको क्लालाम्पुरबाट मलिण्डो एअरमार्फत आज १३३ नेपाली स्वदेश फर्किएका हुन् । आजै जापानको नारिताबाट पनि नेपालीहरु स्वदेश फर्कंदै छन् ।

हिजो राति नेपाल एअरलाइन्सको जहाज नारिता गएको थियो । यस्तै हिमालय एअरलाइन्सले आजै नियमित उडानमार्फत माल्दिभ्सबाट पनि नेपाली लिएर आउँदैछ । पाँच महिना बन्द रहेको अन्तर्राष्ट्रिय उडान भदौ १६ गतेदेखि खुलेको हो ।

पीसीआर परीक्षण सहज भएका देशबाट सरकारले नियमित उडान गरेको छ भने कोरोनाको पीसीआर परीक्षण सहज नभएका देशबाट अहिले पनि चार्टर्ड उडानमार्फत नै नेपालीहरुलाई स्वदेश फर्काइने छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)