कतारमा कार्यरत नेपालीले मिर्गौला पीडित निशानलाई गरे आर्थिक सहयोग

पुष २, २०७७ बिहीबार ११:३८:३२ | महेश्वर नेपाल

काठमाण्डौ – दुवै मिर्गौलामा समस्या देखिएका गोरखा बोर्लाङका निशान श्रेष्ठ ‘गणेश’को उपचारका लागि कतारमा कार्यरत नेपालीले आर्थिक सहयोग गरेका छन् ।

कतारको हमाद अन्तर्राष्ट्रिय विमानस्थलमा कार्यरत नेपालीहरुले १ लाख ६५ हजार रुपैयाँ सहयोग रकम सङ्कलन गरेर पठाएको कतारबाट मोहन श्रेष्ठले जानकारी दिनु भयो ।

आर्थिक अवस्था कमजोर भएका कारण उपचारमा समस्या भएपछि परिवारले सहयोगको अपील गरेका थिए । त्यसपछि कतारमा कार्यरत श्रमिकले सहयोग रकम सङ्कलन गरेर पठाएका हुन् ।

निशानको पाटन अस्पतालमा उपचार भैरहेको छ । ‘भाइको दुवै मिर्गौलाले काम गर्न छोडेको छ अब मिर्गौला फेर्नुबाहेक अन्य उपाय छैन, आफन्तले मिर्गौला दान गर्न सहयोग त गर्ने हुनु भएको छ त्यसको लागि पैसा छैन,’ निशानका दाइ युवक श्रेष्ठले भन्नुभयो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)