‘मरिसकेको मान्छेको कथा’ अब युट्युबमा (भिडियोसहित)

फागुन १८, २०७७ मंगलबार १९:४२:१४ | उज्यालो सहकर्मी

काठमाण्डौ – उज्यालो मल्टिमिडियाले तयार पारेको वृत्तचित्र ‘मरिसकेको मान्छे’ अब युट्युबमा हेर्न पाइने भएको छ ।

उज्यालोको युट्युब च्यानल उज्यालो टीभी र हेर्ने कथाको युट्युब च्यानलमा यो वृत्तचित्र हेर्न सकिने छ । ‘मरिसकेको मान्छे’ मरे भनेर काजकिरिया भइसकेका तर जिउँदै फर्केका र बाँचे भनेर आश गरिएका मानिस पहिले नै मरेको मानिसको कथा हो ।

पूर्वको मोरङ र पश्चिमको बागलुङका अपरिचित दुई परिवारलाई साउदीमा भएको एक सडक दुर्घटनाले एकै ठाउँमा भेटाउँछ । दुर्घटनामा एक परिवारले आफन्त गुमाउँछन् । तर लास साटिँदा दुवै परिवारले आफन्त गुमाउनुको पीडा भोग्नुपर्छ ।

मरिसकेको भनेका मानिस जिउँदै जहाज चढेर घर फर्किन्छन् भने जिउँदै छन् भनेका मानिसको आफन्तले लाससमेत देख्न पाउँदैनन् । आफन्त गुमाउँदाको पीडा र मरिसकेको मानिस फेरि फर्किएर आउँदाको खुसी यो वृत्तचित्रमा देखाइएको छ ।

यो वृत्तचित्रमा समेटिएका विषय उज्यालो अनलाइनमा सन्जिता देवकोटाले लेख्नुभएको हो भने हेर्ने कथाका विद्या चापागाईँ र कमलकुमारले वृत्तचित्रको निर्देशन गर्नुभएको हो । यो वृत्तचित्रले १५ औँ काठमाण्डौ इन्टरनेशनल माउन्टेन फिल्म फेस्टिभल (किम्फ)मा ‘नेपाल पानारोमा बेस्ट डकुमेन्ट्री अवार्ड जितेको थियो ।

1 Comments

Dr. Sugam Jung K. C.
March 3, 2021, 9:02 a.m.
बेवारिसे शवको पहिचान हाम्रो अभियान, शान्तिपूर्ण धर्नाको आज "५३ औं दिन" माइतीघर मण्डलामा (बिहानी १०-१२ सम्म)

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

‘मरिसकेको मान्छेको कथा’ अब युट्युबमा (भिडियोसहित)

1 Comments

Dr. Sugam Jung K. C.

तपाईको प्रतिक्रिया