साउदीमा खोप नलगाएकाहरु सार्वजनिक स्थलमा जान नपाउने

साउन ७, २०७८ बिहीबार १२:३:४९ | उज्यालो सहकर्मी

काठमाण्डाै – साउदीमा आउँदो अगस्ट १ देखि कोरोनाविरुद्धको खोप नलगाएकाहरु सार्वजनिक स्थलमा जान नपाउने भएका छन् ।

साउदी अरबको नगरपालिका तथा ग्रामीण मामिला मन्त्रालयले सूचना निकालेर अगस्ट १ देखि खोप नलगाएका व्यक्तिलाई सपिङ मल, बजार, रिटेल पसललगायतका क्षेत्रमा जान प्रतिबन्ध लगाइने जनाएको हो । त्यस्तै ब्युटि पार्लर, वैवाहिक समारोह तथा पार्टी हल, रेस्टुरेन्ट, पुरुष सैलुनमा जानका लागि खोप लगाएको प्रमाण देखाउनुपर्ने मन्त्रालयले जनाएको छ ।

साउदी सरकारले कोरोना महामारी रोकथाम र नियन्त्रणका लागि पछिल्लो समय कडाई गरिरहेको छ । यसपालीको हजमा पनि साउदीले आफ्ना देशका ६० हजार नागरिकलाई मात्र अनुमती दिएको थियो । हज जाने यात्रीका लागि कोरोना विरुद्धको दुवै खोप अनिवार्य गरिएको थियो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)