वैदेशिक रोजगारी : खोप लगाएको क्यूआर कोड म्यानपावरबाटै पाइने

साउन २९, २०७८ शुक्रबार १७:३:३८ | उज्यालो सहकर्मी

काठमाण्डौ – म्यानपावर मार्फत वैदेशिक रोजगारीमा जानेहरुले अब कोरोना विरुद्धको खोप लगाएको विद्युतीय प्रमाण (क्यूआर कोड) सम्बन्धित् म्यानपावरबाटै प्राप्त गर्न सक्नेछन् ।

श्रम रोजगार तथा सामाजिक सुरक्षा मन्त्रालय र स्वास्थ्य तथा जनसंख्या मन्त्रालयबीच आज भएको छलफलमा क्यूआरकोड म्यानपावरबाटै दिलाउन निर्णय भएको वैदेशिक रोजगार व्यवसायी संघका महासचिव सुजितकुमार श्रेष्ठले बताउनुभयो ।

म्यानपावर आफैले कामदारको आवश्यक विवरणसहितको अनलाइन पोस्ट रजिष्ट्रेशन गर्नुपर्ने र स्वास्थ्य सेवा विभागले क्यूआर कोडसहितको प्रमाणपत्र सम्बन्धित म्यानपावरको आधिकारिक इमेलमा पठाइने व्यवस्था भएको उहाँको भनाइ छ ।

इमेलमा प्राप्त क्यूआर कोडसहितको प्रमाणपत्र अन्य कुनै निकायबाट थप प्रमाणीकरण गर्नु पर्ने छैन ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)