महामारीको तेस्रो लहरबाट बाहिरिएको कुवेतको दाबी

साउन ३२, २०७८ सोमबार १२:५५:२ | उज्यालो सहकर्मी

काठमाण्डौ – कुवेतले आफू महामारीको तेस्रो लहरबाट बाहिरिएको जनाएको छ ।

त्यहाँको स्वास्थ्य मन्त्रालयको कोभिड १९ समितिका सदस्य डाक्टर खलेद अल सइदले देशमा खोप अभियानको सफलतासँगै कोरोनाको सम्भावित तेस्रो लहरबाट देश बाहिरिएको बताउनुभएको हो ।

कुवेतमा रहेका २६ लाख ६८ हजार मानिसले कोरोना विरुद्धको खोपको कम्तिमा एक डोज लगाइसकेको सइदको भनाइलाई उद्धृत गर्दै गल्फ न्युजले लेखेको छ । खोप लगाउनको लागि योग्य ६८ प्रतिशत भन्दा बढीले खोप लगाइसकेको बताइएको छ ।

कुवेतले १२ वर्ष उमेर माथिका सबै नागरिकलाई खोप लगाउन योग्यको सूचीमा राखेको छ । कुवेतमा पछिल्लो समय कोरोना संक्रमण दर घट्दै गएको छ । गएको शनिबार कुवेतमा आठ महिना यताकै कम संक्रमित अर्थात् तीन सय ७५ जनामा संक्रमण पुष्टि भएको जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)