यूएईमा अब हप्ताको दुई दिन सार्वजनिक बिदा

पुष २३, २०७८ शुक्रबार १५:२७:५९ | उज्यालो सहकर्मी

काठमाण्डौ – यूएईले हप्ताको दुई दिन सार्वजनिक बिदा दिन थालेको छ ।

२०२२ को सुरुवात सँगै यूएई सरकारले शुक्रबार आधा दिन, शनिबार र आइतबार भने पूरा दिन बिदाको घोषणा गरेको गल्फ न्युजले खबर लेखेको छ ।

अब यूएईमा हप्तामा चार दिन पूरा र एक दिन आधा कार्य समय हुनेछ । सन् २०२२ को सुरुवातसँगै यूएईका सरकारी कार्यालय र स्कुलहरूमा यो नियम लागू भइसकेको छ । तर यूएईको सारजहाँ राज्यले भने शुक्रबार पनि पूरा दिन नै बिदा दिने निर्णय गरेको छ । सारजहाँमा यो नियम सरकारी कर्मचारी र विद्यार्थीहरूका लागि लागू हुने छ ।

अन्य राज्यमा भने शुक्रबार बिहान ७ बजेर ३० मिनेटमा कार्य समय सुरु हुने छ भने दिउँसो १२ बजे सकिने छ ।

यूएईका कतिपय निजी कम्पनीले भने शुक्रबार आधा दिनको बिदा नदिई शनिबार र आइतबार पूरा बिदा दिने गर्न थालेका छन् । कम्पनीहरूले मध्यदिनमा विश्रामको समय दिने र त्यो समयमा कामदारले प्रार्थना सहभागी हुन सक्ने बताएका छन् ।

यूएई सरकारले यसबाट श्रमिकलाई राम्रो कार्य जीवन दिने र उत्पादकत्व बढाउने विश्वास लिएको छ ।

1 Comments

अशेस बुढाथोकी
Jan. 9, 2022, 7:42 p.m.
हामिलाइ कम्पनिले १ दिन मात्रै छुट्टि दिन्छ, यो कानुन हाम्रो कम्पनिले लागु गरेन, पहिलेको जस्तै छ हामीलाइ.....

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

यूएईमा अब हप्ताको दुई दिन सार्वजनिक बिदा

1 Comments

अशेस बुढाथोकी

तपाईको प्रतिक्रिया