बोर्डको शव ढुवानी बाहेक अन्य सेवा बन्द, आर्थिक सहायताका लागि पालिकाबाट निवेदन दिन सकिने

माघ १०, २०७८ सोमबार १६:३६:१६ | उज्यालो सहकर्मी

काठमाण्डौ – कोरोना सङ्क्रमण कारण वैदेशिक रोजगार बोर्डले शव ढुवानी बाहेक अन्य सेवा बन्द गरेको छ ।

माघ ९ गते आइतबारदेखि विदेशबाट आएका शव ढुवानी गर्ने सेवा बाहेक बोर्डबाट प्रदान हुँदै आएका अन्य सेवा अनिश्चितकालका लागि स्थगित गरेको हो ।

बोर्डका विभिन्न शाखाका कर्मचारीमा कोरोना सङ्क्रमण देखिएपछि सेवा स्थगन गर्नु परेको विज्ञप्तिमार्फत बोर्डले जानकारी दिएको छ ।

तर बोर्डमार्फत प्रदान हुने आर्थिक सहायता लगायतका सेवाका लागि भने आफ्नो पालिकामार्फत अनलाइन माध्यमबाट निवेदन दिन बोर्डले अनुरोध गरेको छ ।

अत्यावश्यक सेवा लिन बोर्डको कार्यालयमा उपस्थित हुने सेवाग्राहीले अनिवार्य रूपमा स्वास्थ्यका मापदण्डका साथै खोप कार्ड साथमा लैजान पर्नेछ । कार्डको फोटो मोबाइलमा भए पनि हुनेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)