६ महिनामा रेमिट्यान्स साढे ५ प्रतिशतले घट्यो, झन्डै ३ लाख जनाले लिए श्रम स्वीकृति

माघ २६, २०७८ बुधबार १६:३:५१ | उज्यालो सहकर्मी

काठमाण्डाै – चालु अर्थिक वर्षको पहिलो ६ महिनामा विप्रेषण (रेमिट्यान्स) साढे पाँच प्रतिशतले घटेको छ । साउनदेखि पुससम्म चार खर्ब ६८ अर्ब ४५ करोड रुपैयाँ रेमिट्यान्स भित्रिएको र यो गएकाे वर्षको ६ महिनाको भन्दा साढे पाँच प्रतिशतले कम रहेको राष्ट्र बैंकले जनाएको छ । पोहोर साउनदेखि पुससम्म रेमिट्यान्स ११ प्रतिशतले बढेको थियाे ।

यस्तै ६ महिनामा अमेरिकी डलरमा प्राप्त हुने रेमिट्यान्समा पनि ६ दशमलव २ प्रतिशतले कमी आएर तीन अर्ब ९३ करोड रुपैयाँमा सीमित भएको राष्ट्र बैंकले जनाएकाे छ ।

यस्तै ६ महिनामा वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या उल्लेख्य रूपमा बढेर एक लाख ६७ हजार पाँच सय १३ जना पुगेको छ । पोहोर यो सङ्ख्या ८९ प्रतिशतले कम थियो ।

यस्तै वैदेशिक रोजगारीका लागि पुनः श्रम स्वीकृति लिने नेपालीको सङ्ख्या ६ महिनामा दुई सय ९८ प्रतिशतले बढेर एक लाख ३० हजार दुई सय १२ जना पुगेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)