खारेजीको माग गर्दै दुई म्यानपावर कम्पनीले दिए निवेदन, कुनै लेनदेन बाँकी भए सम्पर्क गर्न विभागकाे आग्रह

वैशाख २५, २०७९ आइतबार १७:०:१० | उज्यालो सहकर्मी

काठमाण्डौ – वैदेशिक राेजगार व्यवसाय गर्न पाउने आफ्नाे इजाजतपत्र खारेजी गरिपाउँ भन्दै वैदेशिक रोजगार विभागमा दुई वटा म्यानपावरले निवेदन दिएका छन् । आफ्नो इजाजतपत्र रद्द गरि धरौटी रकम फुकुवा गराइपाउँ भन्दै पुष्पा इन्टरप्राइजेज कम्पनी र स्कील्ड ह्युमन रिसोर्स प्रालीले निवेदन बुझाएको वैदेशिक रोजगार विभागले जनाएको छ ।

यसै सन्दर्भमा विभागले यी म्यानपावरसँग यदि कसैको कारोबार वा लेनदेन बाँकी छ भने विभागमा सम्पर्क गर्न आग्रह गरेको छ । सवुत प्रमाणसहित सूचना प्रकाशित भएको ३५ दिनभित्र सम्पर्क गर्न सकिने विभागले जनाएको छ । अन्यथा इजाजतपत्र खारेज र बैंक धरौटी फुकुवा भएपछि सम्बन्धित म्यानपावरसँग कुनै कारबाही गर्न नसकिने पनि विभागले जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)