पोल्याण्डमा रोजगारीको प्रलोभन देखाएर २० लाख ठगी, विभागले गर्‍याे मुद्दा दायर

असार ३, २०७९ शुक्रबार १६:५३:३२ | उज्यालो सहकर्मी

काठमाण्डौ – वैदेशिक रोजगार विभागले रोजगारीको लागि पोल्याण्ड पठाउँछु भन्दै २० लाख २० हजार रुपैयाँ ठगी गरेको पाइएपछि एक जना विरुद्ध वैदेशिक रोजगार न्यायाधिकरणमा मुद्दा दायर गरेको छ ।

पोल्याण्डमा कृषि काममा मासिक झण्डै १ लाख ८० हजार रुपैयाँ तलब हुने भनी २० लाख २० हजार रुपैयाँ ठगी गरेर नपठाएको पाइएपछि विभागले सप्तरी घर भई अहिले काठमाण्डौ सुकेधारा बस्ने पूर्ण कुमार दाहाल विरुद्ध न्यायाधिकरणमा मुद्दा दायर गरेको हो ।

पूर्ण कुमारले दोलखाकी सरिता भुजेललाई जम्मा खर्च २१ लाख लाग्ने र पोल्याण्डमा कृषिको काममा मासिक झण्डै १ लाख ८० हजार रुपैयाँ तलब हुने कागजसमेत गरेका थिए ।

तर २० लाख २० हजार रुपैयाँ रकम लिएपछि नपठाएको र लिएको रकमसमेत फिर्ता नगरेपछि पीडित सरिताले वैदेशिक रोजगार विभागमा उजुरी दिनुभएको थियो ।

विभागले वैदेशिक रोजगार ऐन २०६४ को दफा १० र दफा ४३ विपरीतको कसुर गरेको भन्दै पूर्ण कुमारलाई लिएको रकम २० लाख २० हजार र त्यसको ५० प्रतिशतले हुने आउने हर्जना रकम १० लाख १० हजारसमेत गरी ३० लाख ३० हजार मागदावीसहित वैदेशिक रोजगार न्यायाधिकरणमा मुद्दा दायर गरेको हो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)