देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको अंक ६५४

Download

बैदेशिक रोजगारीमा जाँदा श्रम स्वीकृति अनिवार्य लिएर जानुपर्छ भन्ने कुरा थाहा नहुँदा पनि धेरै श्रमिक दलालको फन्दामा परेर खाडीलगायत मुलुकमा घरेलु कामदारका रूपमा बेचिइरहेका छन् । रोजगारको लागि भन्दै दलाल तथा म्यानपावर कम्पनीले घरेलु कामदारको अवैध ओसार पसार, डान्स, बार, रेस्टुरेन्ट, मसाज, ब्युटिपार्लर, फिल्म बनाउने, मनोरञ्जन वा अन्य पेसाको नाममा बेचबिखन गरेका छन् । नक्कली विवाह, सर्कस, अध्ययन, स्थायी÷अस्थायी बसाई, भ्रमणको नाममा पनि बेचविखन नजानिदो रुपमा बढेको छ । कार्यक्रम देश परदेशको अंक ६५४ मा हामीले यसै सन्दर्भमा छलफल गरेका छौं । बैदेशिक रोजगारीका क्रममा हुने मानव बेचबिखनबारे हामीले मानव बेचबिखन अनुसन्धान व्युरोका प्रवक्ता गौतम मिश्रसँग कुराकानी कार्यक्रममा समावेश छ । साथै, विदेशमा कमाएको पैसाको व्यवस्थापनबारे हामीले डिप्रोक्स नेपालका निर्देशक कैलाश रिजालसँग कुराकानी गरेका छौं ।

देश परदेश (अडियाे)

कार्यक्रम देश परदेशको अंक ६५४

अरु एपिसोडहरु