जोकोभिचलाई स्तब्ध पार्दै भेरेभले जिते एटीपी फाइनल्सको उपाधि

मंसिर ३, २०७५ सोमबार ७:२१:४४ | उज्यालो सहकर्मी

विश्व नम्बर एक नोभाक जोकोभिचलाई स्तब्ध पार्दै जर्मनीका एलेक्सान्दर भेरेभले एटीपी फाइनल्सको उपाधि जितेका छन् ।

प्रतियोगिताका बलियो दाबेदार सर्वियन खेलाडी नोभाक जोकोभिचलाई २–० को सेटमा हराउँदै भेरेभले वर्षको अन्तिम टेनिस प्रतियोगिताको उपाधि उचाले । भेरेभको करियरको यो सबैभन्दा ठूलो उपाधि हो ।

भेरेभले ३१ वर्षीय जोकोभिचलाई ६–४ र ६–३ को सहज सेटमा हराए । तेस्रो वरियताका भेरेभले पहिलो सेटमा जोकोभिचले लिएको ५–४ को अग्रता उल्टाउँदै ६–४ को जित निकालेका थिए । २१ वर्षीय भेरेभले जोकोभिलाई खेलभरी नै दबाबमा राखे ।

दोस्रो सेटमा अझ उत्कृष्ट प्रदर्शन गरेका भेरेभले विश्व नम्बर एकमाथि ६–३ को जित निकाले । यसअघि सेमिफाइनलमा भेरेभले स्वीस खेलाडी रोजर फेडेररलाई हराएका थिए । ‘करियरको सबैभन्दा ठूलो उपाधि जित्दा म अति नै खुसी छु । मैले विश्वास गर्न सकिरहेको छैन,’ जितपछि भेरेभले भने ।

‘तिमीले समूह चरणभन्दा धेरै राम्रो खेल्यौ, जितका लागि हकदार थियौ,’ पराजित जोकोभिचले भेरेभलाई भने ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्