संसदमा रमिता : एकातिर नाराबाजी र होहल्ला, अर्कोतिर विश्वासको मतको प्रक्रिया

जेठ ७, २०८१ सोमबार १२:३९:४१ | उज्यालो सहकर्मी

काठमाण्डाै – नेपाली कांग्रेसका सांसदहरूको नाराबाजी र होहल्लाकै बीचमा प्रतिनिधि सभाको बैठक चलिरहेको छ ।

आज बिहान साढे ११ बजे शुरु भएको बैठकमा कांग्रेसका सांसदहरूले नाराबाजी गरेपछि सभामुखले १५ मिनेटका लागि संसद् बैठक स्थगित गर्नुभएको थियो । तर १५ मिनेटपछि शुरु भएको बैठकमा पनि कांग्रेसले नाराबाजी रोकेन ।

सभामुखले आजको कार्यसूचीमा रहेको प्रधानमन्त्रीले विश्वासको मत लिने प्रक्रिया शुरु गर्नुभयो । बेल घेराउ गर्दै नाराबाजी गरिरहेका कांग्रेसका सांसदहरूलाई मर्यादापालकले घेरे । सभामुखले प्रतिपक्षीलाई पेलेरै कारबाही शुरु गर्नुभयो । उहाँले विश्वासको मत माग्न प्रधानमन्त्रीलाई रोस्ट्रममा बोलाउनुभयो । प्रधानमन्त्रीलाई रोस्ट्रममा पुर्‍याउन मर्यादापालकको प्रयोग गनुपर्‍याे ।

प्रधानमन्त्रीले यो सरकारले धेरै राम्रा काम गरेको केही कुरा राखेर विश्वासको मत माग्नुभयो । त्यसपछि विश्वासको मतको समर्थन गर्दै एमालेका विष्णु पौडेलले पनि सत्ता नपाएकोले कांग्रेस अत्तालिएर संसदमा अनैतिक र गैरराजनीतिक क्रियाकलाप गरिरहेको आरोप लगाउनुभयो । उहाँले अहिलेको सरकार ढाल्न देशी/विदेशी तत्त्वहरूले खेलिरहेको र कांग्रेस त्यही षड्यन्त्रमा लागेको आरोप लगाउनुभयो ।

एकातिर नाराबाजी र अर्कोतिर विश्वासको मत लिने प्रक्रिया चलिरहँदा प्रतिनिधि सभामा रमिता देखिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्