मास हिस्टेरियाले विद्यालय बन्द

जेठ २८, २०७५ सोमबार १६:५८:१० | उज्यालो सहकर्मी

खोटाङ, जेठ २८ – मास हिस्टेरियाले छात्रालाई सताएपछि खोटाङमा विद्यालय बन्द गरिएको छ ।

छात्राले काम्ने, हात खुट्टा बाउडिने, खकार्ने, साथीलाई थुक्ने चिथोर्ने लगायतका क्रियाकलाप देखाउन थालेपछि बराहपोखरी गाउँपालिका–२, सुन्तलेमा रहेको ज्यू मावि बन्द गरिएको हो ।

सुरुमा एक–दुई जनाबाट सुरु हुने मास हिस्टेरिया क्रमशः अन्य छात्रामा सर्ने र एकैसाथ २०–२५ जना बिरामी पर्न थालेपछि सोमबारदेखि शुक्रबारसम्मका लागि विद्यालय बन्द भएको शिक्षा समन्वय इकाईको कार्यालयले जनाएको छ ।

आइतबार एकैसाथ २७ छात्रामा मास हिस्टेरिया देखिएपछि अभिभावकलाई बोलाएर विद्यार्थी जिम्मा लगाएर पठाइए पनि सोमबार पुन समस्या दोहोरिएको प्रअ तुलसीप्रसाद पोखरेलले बताउनुभयो । छात्राले अस्वभाविक क्रियाकलाप देखाउन थालेपछि आइतबार र सोमबार विद्यालयको पठन–पाठन ठप्प भएको थियो ।

हप्ता दिनअघि एक छात्रामा देखिएको समस्या क्रमशः अन्य छात्रामा सर्न थालेपछि विद्यालय बन्द भएको श्रोतव्यक्ति रामबिक्रम थापाले बताउनुभयो ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्