वृद्धभत्ता कटाइदिने बेलायत सरकारको निर्णयप्रति गेसोको आपत्ति

जेठ २८, २०७५ सोमबार १७:१६:५ | उज्यालो सहकर्मी

काठमाडौं – गोर्खा भूतपूर्व सैनिक संघ (गेसो) ले २८ दिनभन्दा बढी नेपाल बसे वृद्ध भत्ता काटिदिने बेलायत सरकारको निर्णयप्रति आपत्ति जनाएको छ ।

गेसोका संस्थापक सभापति पदमबहादुर गुरुङले २८ दिनभन्दा बढी नेपाल बसे गेसोमा आवद्ध वृद्धहको भत्ता काट्ने बेलायत सरकारको निर्णयप्रति आपत्ति जनाउनु भएको हो । उहाँले सोमबार काठमाडौंमा पत्रकार सम्मेलन गरी बेलायतको समृद्धिमा प्रधानमन्त्री थेरेसा मेको भन्दा बढी योगदान दिएका वीर गोर्खालीहरुको योगदानलाई कमजोर नआँक्न पनि बेलायत सरकारलाई चेतावनी दिनुभयो ।

संस्थापक अध्यक्ष गुरुङले बेलायत कर्मभूमि भएको उल्लेख गर्दै त्यहाँको सरकारले अपमान गर्न खोजे आफूहरुलाई सैह्य नहुने बताउनुभयो । बेलायत सरकारले गेसोमा आवद्ध वृद्धहरु नेपालमा २८ दिनभन्दा बढी बसे भत्ता काटिदिने निर्णय गरेकोमा संस्थापक सभापति गुरुङको आपत्ति छ ।

संस्थापक सभापति गुरुङले गेसोमा आवद्ध वृद्धहरुलाई शरणार्थीको व्यवहार नगर्न पनि बेलायत सरकारको गम्भीर ध्यानाकर्षण गराउनुभयो ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्