श्रीदेवीकी छाेरी जान्हवीकाे डेब्यू फिल्म ‘धडक’ को ट्रेलर सार्वजनिक

जेठ २८, २०७५ सोमबार १७:२१:२४ | उज्यालो सहकर्मी

दिवंगत अभिनेत्री श्रीदेवीकी जेठी छोरी जान्हवी कपूरको डेब्यू फिल्म ‘धडक’ को ट्रेलर सार्वजनिक भएको छ ।

यो फिल्म प्रेम कहानीमा आधारित छ । जान्ह्वी कपूरको जोडीको रुपमा ईशान खट्टर रहेका छन । ईशान खट्टर अभिनेता साहिद कपूरका सौतेनी भाई हुन् ।

यो फिल्ममा राजस्थानका एक जोडीको प्रेमलाई देखाइएको छ । दुवैले एक अर्कालाई प्रेम गरे पनि दुई परिवारको असहमतिका कारण दुवै घरबाट भागेर कोलकता जान्छन ।

निर्देशक शशांक खेतानको निर्देशनमा बनेको यो फिल्ममा जान्हवी कपूर बलिउडमा डेब्यू गरिरहेकी छिन् । फिल्मको ट्रेलर सार्वजनिक भएसँगै सामाजिक सञ्जालहरुमा जान्हवीलाई उनकी आमा श्रीदेवीसँग तुलना गरिंदैछ ।

सोमबार यो ट्रेलर सार्वजनिक हुनु अघि जान्हवीका दाई अर्जुन कपूरले जान्हवीलाई ट्वीटर मार्फत शुभकामना दिएका थिए ।

साथै यस खुशीको माहोलमा आफू बहिनीसँग हुन नपाएकोमा माफी पनि मागेका थिए । अर्जुन कपूर श्रीदेवीका सौतेनी छोरा हुन् ।

श्रीदेवीको निधन पछि छुट्टै बसिरहेका अर्जुन कपूरले जान्हवी र उनकी बहिनी खुशी कपूरलाई साथ दिइरहेका छन् ।

करण जोहरले निर्माण गरेको फिल्म ‘धडक’ मराठी भाषाको सुपरहिट फिल्म ‘सैरात’को रिमेक हो ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्