नेपालमा बालबालिकाको सङ्ख्या ९८ लाख ७० हजार, बालिका ३ लाख ५९ हजारले कम

साउन २५, २०८१ शुक्रबार १८:१:३३ | उज्यालो सहकर्मी

काठमाण्डाै – नेपालमा बालबालिकाको सङ्ख्या ९८ लाख ६९ हजार पाँच सय ८३ रहेको राष्ट्रिय तथ्याङ्क कार्यालयले जनाएको छ ।

राष्ट्रिय जनगणना २०७८ को कुल जनसङ्ख्या दुई करोड ९१ लाख ६४ हजार पाँच सय ७८ जनामध्ये बालक ५१ लाख १४ हजार पाँच सय पाँच र बालिका ४७ लाख ५५ हजार ७८ रहेको तथ्याङ्कमा उल्लेख छ ।

यो जन्मदेखि १८ वर्षसम्मको उमेर हो । यसमा बालकभन्दा बालिकाको सङ्ख्या तीन लाख ५९ हजार चार सय २७ ले कम छ । समग्रमा २०५८ देखि २०६८ सालसम्मको तुलनामा २०६८ देखि २०७८ सालसम्ममा झन्डै १२ लाखको सङ्ख्यामा कम बालबालिका जन्मेका छन् ।

राष्ट्रिय तथ्याङ्क कार्यालयले राष्ट्रिय जनगणना २०७८ को बालबालिकासम्बन्धी तथ्याङ्कीय प्रतिवेदन आज सार्वजनिक गरेको हो । तथ्याङ्क कार्यालयका प्रवक्ता एवम् उपप्रमुख हेमराज रेग्मीका अनुसार पछिल्लो दशकमा बालबालिकाको जनसङ्ख्या वृद्धिदर ऋणात्मक छ ।

उहाँका अनुसार बालबालिकाको जन्म घट्दै जानु भविष्यका लागि समस्या हुन सक्छ । यसरी बालबालिकासम्बन्धी प्रतिवेदन तयार गर्नुको उद्देश्य बालबालिकाको पारिवारिक अवस्थाको अध्ययन, राष्ट्रिय, प्रादेशिक, जिल्लागत र कुनै कुनै सवालहरूमा पालिकासम्मको अवस्थाको पहिचान गर्न, बालबालिकाको शिक्षा, स्वास्थ्य, विवाह, बसाइँसराइ, अपाङ्गता, पारिवारिक जिम्मेवारी जस्ता सरोकारका विषयको विश्लेषण गर्नु लगायत रहेको कार्यालयले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालमा बालबालिकाको सङ्ख्या ९८ लाख ७० हजार, बालिका ३ लाख ५९ हजारले कम

फाइल फाेटाे

तपाईको प्रतिक्रिया