भारतविरुद्धकाे तेस्राे टी-ट्वेण्टीमा मिचेल स्टार्क खेल्ने

मंसिर ८, २०७५ शनिबार १८:३७:२६ | उज्यालो सहकर्मी

अष्ट्रेलियाका क्रिकेटर मिचेल स्टार्कलाई भारतविरुद्धको तेस्रो टी–२० क्रिकेटका लागि टिममा बोलाइएको छ ।

यदि आइतबार सिड्नीमा हुने तेस्रो टी–२०मा स्टार्क मैदानमा उत्रिए भने उनी ५७ महिना पछि राष्ट्रिय टिमबाट घरमै प्रतियोगिता खेल्नेछन् । पहिलो टी–२० आफ्नो पक्षमा पारेको अष्ट्रेलियाले आइतबारको खेलमा पनि जित निकालेकाे खण्डमा सिरिज आफ्नो पक्षमा पार्ने छ ।

दोस्रो टी –२० पानी परेपछि रद्द भएकाले अष्ट्रेलिया अन्तिम टी–२० जित्दै सिरिज बराबरी गर्ने दाउमा हुनेछ भने भारत जित निकाल्दै कम्तीमा बराबरी गर्ने पक्षमा हुनेछ ।

अष्ट्रेलियाका स्टार्कले सन् २०१४ को फेब्रुअरी २ तारिखमा इंग्ल्याण्डविरुद्ध खेलेका थिए । उक्त खेलमा उनले ८ रन दिएर १ विकेट लिएका थिए भने अष्ट्रेलिया ८४ रनले विजयी भएको थियो । उनले अष्ट्रेलियबाट श्रीलंकामा २ वर्षअघि भने टी–२० खेलेका थिए ।

स्टार्कलाई बिली स्ट्यानलेकको ठाउँमा राखिएको अष्ट्रेलियन क्रिकेट बोर्डले जनाएको छ । बिली अभ्यासका क्रममा घाइते भएका थिए । जसका कारण उनी दोस्रो टी –२० मा टिममा परेका थिएनन् । अहिलेसम्म २२ टी–२० खेलेका स्टार्कले ३० विकेट लिएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्