नेप्से सामान्य बढ्याे, ५ वटा विकास बैंककाे शेयरमा सकारात्मक सर्किट

भदौ ६, २०८१ बिहीबार १५:४१:३६ | उज्यालो सहकर्मी

काठमाण्डाै – शेयर बजार आज पनि सामान्य बढेको छ । शेयर बजार परिसूचक नेप्से आज ६ दशमलव शून्य एक अङ्कले बढेर दुई हजार नौ सय ७४ दशमलव ४६ विन्दुमा पुगेको छ ।

नेप्सेले आज तीन पटकसम्म तीन हजार विन्दु छोए पनि अन्तिममा टिक्न सकेन । नेप्से आज दिउँसाे १२ बजेर ४६ मिनेटमा तीन हजार १८ विन्दुसम्म पुगेकाे थियाे । नेप्सेले हिजो पनि तीन हजार विन्दु छोएर फर्किएको थियो ।

आज लगानी, उत्पादन, माइक्रोफाइनान्स, निर्जीवन बीमा, अन्य र व्यापार बाहेक सबै समूहको शेयर बढेकोमा विकास बैंक, होटल समूहको शेयर उच्च अङ्कले उकालो लागेको छ ।

आज तारागाउँ रिजेन्सी होटल, नारायणी विकास बैंक, ज्योति विकास बैंक, कर्पाेरेट विकास बैंक, सिन्धु विकास बैंक, सप्तकोशी विकास बैंक र थ्री स्टार हाइड्रोपावर कम्पनीको शेयर १० प्रतिशतले बढेको छ । बजार समान्य बढेको दिन सिद्धार्थ बैंक डिबेन्चर २०८३ को शेयर भने १० प्रतिशतले घटेको छ ।

आज तीन सय ३३ वटा कम्पनीका चार करोड नौ लाख कित्ता शेयर १९ अर्ब १६ करोड रुपैयाँमा कारोबार भएका छन् । आज सबैभन्दा धेरै साइन रेसुङ्गा विकास बैंकको एक अर्ब रुपैयाँभन्दा धेरैको शेयर किनबेच भयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्