टी १० लिग : तेस्रो खेलमा पनि जमे सन्दीप, लिए महत्वपूर्ण २ विकेट

मंसिर ९, २०७५ आइतबार २१:४:३२ | उज्यालो सहकर्मी

यूएईमा जारी टी–१० क्रिकेट अन्तर्गत सन्दीप लामिछानेले तेस्रो खेलमा पनि आफ्नो प्रभाव कायमै राखेका छन् ।

पहिलो खेलमा ३ विकेट लिएर सनसनी मच्चाएका सन्दीपले दोस्रो खेलमा १ विकेट हात पारेका थिए । केरला नाइट्सबाट खेलेका सन्दीपले तेस्रो खेलमा राजपूतविरुद्ध ओपनिङ बलिङ गरेका थिए । पहिलो भन्दा दोस्रो ओभर महंगो सावित भएका सन्दीपले समग्रमा २३ रन खर्चिएर २ विकेट लिए ।

सन्दीपले पहिलो ओभरमा ६ रन खर्चिएर १ विकेट लिएका थिए ।

पहिलो बलमा मोहमद सहजाद १ रन लिँदै खाता खोलेका थिए । लगातार दुई बलमा ब्रेन्डम म्याकुलमले खाता नै खोल्न सकेनन् । चौथो बलमा १ रन बनाउँदै स्ट्राइक परिवर्तन भएर मोहमद सहजाद ब्याटिङमा आएका थिए । सन्दीपको पाँचौ बल फेस गरेका सहजादले फिल्डरलाई क्याच दिँदै आउट भएका थिए । उनको क्याच वेने पार्नेलले लिएका थिए ।

सहजादले यसअघिको खेलमाा १६ बलमै ६७ रनको विस्फोटक पारि खेलेका थिए ।

सातौं ओभरमा आफ्नो अन्तिम बलिङ गर्न आएका सन्दीपले दोस्रो विकेट लिए ।

सातौं ओभरको पहिलो र दोस्रो बलमा लाउरे इभानेसले लगातार दुई छक्का प्रहार गरेका थिए । तेस्रो बलमा १ रन लिएर स्ट्राइक चेन्ज भए पछि कार्लोस ब्रेथ्वेटलाई आउट गरे । ब्रेथ्वेटले प्रहार गरेको बेल किरोन पोलार्डले क्याच लिएका थिए । अन्तिम बलमा भने उनले चौका दिएका थिए ।

राजपूतले ९ ओभरको खेल सकिँदा ५ विकेट गुमाएर ९४ रन बनाएको छ । पानी परेका कारण अहिले खेल रोकिएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्