चिसोसँगै बालबालिकामा स्वास्थ्य समस्या बढ्दो, डाक्टरको सुझावविना औषधि किनेर नखुवाउन सुझाव

कात्तिक २, २०८१ शुक्रबार १५:१८:४३ | उज्यालो सहकर्मी

काठमाण्डाै – मौसम परिवर्तनसँगै बालबालिकामा सङ्क्रमणजन्य तथा श्वासप्रश्वाससम्बन्धी समस्या देखिने क्रम बढेको छ ।

असोज अन्तिम हप्तादेखि बिरामी बालबालिकाको सङ्ख्या बढेको कान्ति बाल अस्पताल महाराजगञ्जका सूचना अधिकृत रमेश नर्सिङ केसीले जानकारी दिनुभयो । उहाँका अनुसार अहिले अस्पतालको ओपीडीमा दैनिक पाँच सय जना बालबालिका लिएर अभिभावक पुग्ने गरेका छन् ।

मौसम परिवर्तनसँगै बालबालिकामा रुघाखोकी, ज्वरो, जन्डिस, झाडापखला, निमोनिया, टाइफाइड, दमलगायतका श्वासप्रवासको समस्या, छालाको सङ्क्रमणजस्ता स्वास्थ्य समस्या बढी देखिने अस्पतालका बालरोग विशेषज्ञ डा. रामहरि चापगाईंले बताउनुभयो । सङ्क्रमणजन्य स्वास्थ्य समस्या देखिएमा तुरुन्तै औषधि किनेर नखान डा. चापागाईंको आग्रह छ । यस्तो समस्या भएमा घरमा नै मनतातो पानी, झोलिलो खानेकुरा, नुनपानी, बेसार पकाएर खान दिएर निको बनाउन सकिने उहाँले बताउनुभयो । समस्या बढ्दै गएमा चिकित्सकको परामर्शमा औषधि खुवाउन डा. चापागाईंको सुझाव छ ।

बालबालिकालाई सङ्क्रमणजन्य रोगबाट बचाउन सरसफाइमा ध्यान दिनुपर्छ । यस्तै ताजा झोलिलो खानेकुरा प्रशस्त मात्रामा खुवाउने, मौसमी फलफूल राम्रोसँग सफा गरेर खान दिने गरेमा बालबालिकालाई मौसमजन्य समस्याबाट बचाउन सकिन्छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चिसोसँगै बालबालिकामा स्वास्थ्य समस्या बढ्दो, डाक्टरको सुझावविना औषधि किनेर नखुवाउन सुझाव

फाइल फाेटाे

तपाईको प्रतिक्रिया