भारतसँगको पहिलो टेस्ट न्युजिल्यान्डले ८ विकेटले जित्यो

कात्तिक ४, २०८१ आइतबार १३:२:५८ | उज्यालो सहकर्मी

काठमाण्डाै – भारतसँगको पहिलो टेस्ट क्रिकेट न्युजिल्यान्डले ८ विकेटले जितेको छ ।

भारतले दिएको १ सय ७ रनको लक्ष्य न्युजिल्यान्डले खेलको पाँचौं दिनको खानाअघिको समयमा २ विकेट गुमाएर भेटायो । न्युजिल्यान्डका विल योङ्गले ४८ र रचिन रविन्द्रले ३९ रन बनाए । भारतका जसप्रीत बुमराहले २ विकेट लिए ।

भारतले दोस्रो पारीमा शरफराज खानको शतक तथा कप्तान रोहित शर्मा, विराट कोहली र ऋषभ पन्तको अर्धशतकमा ४ सय ६२ रन बनाएको थियो । न्युजिल्यान्डका म्याट हेनरी र विलियम ओरर्केले समान ३ विकेट लिए ।

यसअघि बेङ्गलुरुमा टस जितेर ब्याटिङ गरेको घरेलु टोली भारत पहिलो पारीमा ४६ रनमै अलआउट भएको थियो । न्युजिल्यान्डका म्याट हेनरीले ५ र विलियम ओरर्केले ४ विकेट लिए ।

न्युजिल्यान्डले पहिलो पारीमा रचिन रविन्द्रको शतक तथा डेभन कन्वे र टिम साउथीको अर्धशतकको मद्दतमा ४ सय २ रन बनाएको थियो । भारतका कुलदीप यादव र रविन्द्र जडेजाले समान ३ विकेट लिए ।

यो जीतसँगै न्युजिल्यान्डले तीन खेलको शृङ्खलामा अग्रता लिएको छ । न्युजिल्यान्डले सन् १९८८ पछि पहिलो पटक भारतमा टेस्ट जितेको हो । भारत र न्युजिल्यान्डबीचको दोस्रो टेस्ट आउँदो बिहीवारदेखि पुनेमा र तेस्रो तथा अन्तिम टेस्ट नोभेम्बर १ देखि मुम्बईमा शुरू हुनेछ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतसँगको पहिलो टेस्ट न्युजिल्यान्डले ८ विकेटले जित्यो

तस्वीर : क्रिकइन्फाे

तपाईको प्रतिक्रिया