एलन मस्कले ट्रम्पको चुनावी अभियानलाई २५ करोड डलरभन्दा धेरै चन्दा दिएको खुल्यो

मंसिर २२, २०८१ शनिबार १२:७:५ | एजेन्सी

संसारकै धनी व्यक्ति एलन मस्कले अमेरिकी राष्ट्रपतिको चुनावका क्रममा डोनाल्ड ट्रम्पको अभियानलाई २५ करोड डलरभन्दा धेरै चन्दा दिएको खुलेको छ । नेपालीमा यो रकम झन्डै ३४ अर्ब रुपैयाँ हुन आउँछ ।

यो रकम सन् २०१० पछि कुनै पनि दाताले कुनै पनि उम्मेदवार र दललाई दिएको चन्दामध्ये सबैभन्दा धेरै हो । स्पेसएक्स र टेस्लाका प्रमुख कार्यकारी अधिकृत (सीईओ) समेत रहेका मस्कले ट्रम्पको ह्वाइट हाउस प्रवेशमा ठूलो भूमिका खेल्नुभएको थियो ।

गैरनाफामूलक संस्था ओपनसेक्रेट्सको तथ्याङ्कअनुसार मस्कले ट्रम्पको चुनावी अभियानमा खर्चको कुनै कमी हुन दिनुभएको थिएन । मस्कले शुरूमै २० करोड डलर ट्रम्पको अभियानलाई दिनुभएको थियो । त्यसपछि पाँच करोड डलर विभिन्न घुमाउरो बाटोबाट दिएको उल्लेख छ ।

नोभेम्बरमा भएको चुनाव जितेपछि एलन मस्क ट्रम्पका सबैभन्दा नजिकका सहयोगी बन्नुभएको छ । उनीहरूबीच निकै लामो समयको साझेदारी हुने सम्भावना छ । ट्रम्प टेक्सासमा स्पेसएक्स कम्पनीले गरेकाे रकेट प्रक्षेपण हेर्नका लागि पनि पुग्नुभएको थियो ।

ट्रम्पले एलन मस्कलाई सरकारी दक्षता विभागको प्रमुखको रूपमा चयन गर्नुभएको छ । जसको उद्देश्य सङ्घीय खर्चमा अर्बाैं डलर कटौती गर्नुरहेको छ ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एलन मस्कले ट्रम्पको चुनावी अभियानलाई २५ करोड डलरभन्दा धेरै चन्दा दिएको खुल्यो

तस्वीर : एपी

तपाईको प्रतिक्रिया