केही समयदेखि पाकिस्तानले स्थायी  क्रिकेट प्रशिक्षक पाउन सकेको छैन् । 

जसका कारण आसन्न एसीसी इमर्जिङ कपका लागि ४ वर्षअघि म्याच फिक्सिङका कारण बर्खास्तमा परेका एजाज अहमद जुनियरलाई पाकिस्तानी टिमको जिम्मा दिइएको छ । एसीसी इमर्जिङ कपमा पाकिस्तानको यू–२३ टिम खेल्ने छ । 

एजाजलाई प्रशिक्षकको जिम्मेवारी दिएपछि पाकिस्तानी क्रिकेट बोर्डका सदस्यहरुबीचमा मतभेद देखिएको छ । तर केही अधिकारी भने उनको बचाउमा देखिएका छन् । उनीहरुले जाँचका दौरान म्याच  फिक्सिङ गरेको नपाइएकाले उनलाई प्रशिक्षकको  जिम्मेवारी दिइएको हो । 

४९ वर्षीय प्रशिक्षक एजाज अहमदले दुई टेस्ट  तथा दुई एकदिवसीय क्रिकेट खेलेका छन् । उनलाई घरेलु टी –२० क्रिकेटमा म्याच फिक्सिङ गरेको अभियोग लागेको थियो । तर पाकिस्तानी क्रिकेट बोर्ड पीसीबीले गरेको जाँचमा उनी निर्दोष सावित भएका थिए ।