यमनको साना अन्तर्राष्ट्रिय विमानस्थलमा भएको बम आक्रमणमा डब्ल्यूएचओका प्रमुख जोगिए

पुष १२, २०८१ शुक्रबार १५:२:१७ | एजेन्सी

यमनको साना अन्तर्राष्ट्रिय विमानस्थलमा भएको बम आक्रमणमा विश्व स्वास्थ्य सङ्गठन (डब्ल्यूएचओ) का प्रमुख डाक्टर टेड्रोस एड्हानम गेयब्रेयसस जोगिएका छन् ।

इजरायली हवाई आक्रमणका क्रममा डब्ल्यूएचओका प्रमुख र संयुक्त राष्ट्रसङ्घका अन्य कर्मचारी यमनको साना अन्तर्राष्ट्रिय विमानस्थलमा थिए । यो आक्रमणमा कम्तीमा ६ जनाको ज्यान गएको बीबीसीले जनाएको छ । डब्ल्यूएचओका महानिर्देशक गेयब्रेयससले आक्रमण शुरू हुँदा आफूहरू विमानमा चढ्न लागेको बताउनुभएको छ ।

यमनको विद्रोही समूह हुथीद्वारा सञ्चालित साबा समाचार एजेन्सीले विमानस्थलमा तीन जनाको ज्यान गएको र ३० जना घाइते भएको बताएको छ । यस्तै पश्चिमी होदेइदाह प्रान्तमा थप तीन जनाको ज्यान गएको र १० जना घाइते भएका खबरमा उल्लेख छ । ज्यान गुमाउनेहरूमा सर्वसाधारण वा हुथी विद्रोही थिए भन्ने स्पष्ट भइसकेको छैन ।

डा. टेड्रोसले आफू बन्दी अवस्थामा रहेका राष्ट्रसङ्घका कर्मचारीहरूलाई रिहा गर्न तथा देशको स्वास्थ्य र मानवीय अवस्थाको मूल्याङ्कन गर्नका लागि वार्ता गर्न यमन गएको सामाजिक सञ्जाल एक्समार्फत बताउनुभएको छ । आक्रमणबाट आफूहरू रहेको ठाउँबाट केही मिटर टाढाको एअर ट्राफिक कन्ट्रोल टावर, डिपार्चर लाउन्ज र रनवेमा क्षति पुगेको उहाँले उल्लेख गर्नुभएको छ ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यमनको साना अन्तर्राष्ट्रिय विमानस्थलमा भएको बम आक्रमणमा डब्ल्यूएचओका प्रमुख जोगिए

तस्वीर : एजेन्सी

तपाईको प्रतिक्रिया