जलवायु परिवर्तनका कारण यस वर्ष विश्वभर थप ४१ दिन चरम गर्मी

पुष १३, २०८१ शनिबार १२:१२:१८ | एजेन्सी

जलवायु परिवर्तनका कारण यस वर्ष विश्वभर चरम गर्मीका दिन बढेका छन् । सन् २०२४ मा विश्वभर चरम गर्मीका दिनहरूको सङ्ख्या औसत ४१ दिनले बढेको वल्र्ड वेदर एट्रिब्युसन (डब्ल्यूडब्ल्यूए) र जलवायु केन्द्रका वैज्ञानिकहरूले बताएका हुन् । यति मात्र होइन, सन् २०२४ अहिलेसम्मकै सबैभन्दा तातो वर्ष बन्न गइरहेको छ ।

सन् २०२४ मा जलवायु परिवर्तनका कारण चरम मौसमी घटनाहरूले विश्वभर तीन हजार सात सय जनाभन्दा धेरै मानिसको ज्यान गएको र लाखौं विस्थापित भएका प्रतिवेदनमा उल्लेख छ । जलवायु परिवर्तनले चरम मौसमी घटनाहरूलाई यस वर्षको धेरैजसो समयका लागि थप गम्भीर बनाएको वैज्ञानिकहरूले बताएका छन् ।

डब्ल्यूडब्ल्यूएका प्रमुख जलवायु वैज्ञानिक फ्रेडरिक ओटोले जलवायु परिवर्तनले गर्मीको लहर, खडेरी, आँधी र भारी वर्षाको तीव्रता र आवृत्ति बढाएको बताउनुभयो । जसका कारण लाखौं मानिसको जनजीवन प्रभावित भएको छ । जीवाश्म इन्धनको प्रयोगमा कमी नआए यो समस्या झन् गम्भीर हुने उहाँले चेतावनी दिनुभएको छ ।

वैज्ञानिकहरूका अनुसार जलवायु परिवर्तनले सन् २०२४ मा बाढी, आँधी र खडेरी जस्ता २९ चरम मौसमी घटनामध्ये २६ वटालाई थप गम्भीर बनाएको छ ।

यस वर्ष पृथ्वीले अहिलेसम्मकै सबैभन्दा तातो दिन र लगातार १३ महिना तातो मौसम रेकर्ड गरेको छ । यस्तै विशेषगरी गरिब र कम विकसित देशहरूमा एक सय ५० दिनभन्दा धेरै चरम गर्मी रेकर्ड भएको छ ।

अन्तिम अपडेट: पुस १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जलवायु परिवर्तनका कारण यस वर्ष विश्वभर थप ४१ दिन चरम गर्मी

मध्य एथेन्सको पुरातन एक्रोपोलिसमा पार्थेननको अगाडि छाता ओढेर हिँडिरहेका पर्यटकहरू । फाइल फाेटाे : एपी

तपाईको प्रतिक्रिया