समुद्री मार्गबाट स्पेन पुग्ने प्रयास गर्दा एकै वर्ष १० हजार जनाभन्दा धेरै आप्रवासीको ज्यान गयो

पुष १४, २०८१ आइतबार १८:२६:१७ | एजेन्सी

सकिनै लागेको अङ्ग्रेजी वर्ष सन् २०२४ मा समुद्री मार्गबाट स्पेन पुग्ने प्रयास गर्दा १० हजार जनाभन्दा धेरै आप्रवासीको ज्यान गएको छ ।

स्पेनिस आप्रवासन अधिकार समूहले जारी गरेको एक रिपोर्टअनुसार सन् २०२४ को जनवरीदेखि यही डिसेम्बर १५ तारिखसम्ममा स्पेन जाने क्रममा १० हजार जनाभन्दा धेरै आप्रवासीको ज्यान गएको हो । यसको अर्थ यस वर्ष डुङ्गाबाट स्पेन जान खोज्दा हरेक दिन ३० जनाले ज्यान गुमाएका छन् । गएको वर्षको तुलनामा कुल मृत्युदर ५८ प्रतिशतले बढेको पनि रिपोर्टमा उल्लेख छ ।

सन् २०२४ मा १०औं हजार आप्रवासी पश्चिम अफ्रिकाबाट अफ्रिकी तट नजिकैको स्पेनी द्वीप क्यानरी टापुका लागि गएका थिए । क्यामिनान्डो फ्रन्टेरास संस्थाले मृतकहरूमध्ये एक हजार पाँच सय ३८ बालबालिका र चार सय २१ जना महिला रहेको जनाएको छ । अप्रिल र मे महिना सबैभन्दा घातक महिना थियो ।

सन् २०२४ मा मौरितानियाबाट डुङ्गा चढेर स्पेन जान खोज्ने आप्रवासीको सङ्ख्यामा तीव्र वृद्धि भएको खबरमा उल्लेख छ । स्पेनको आन्तरिक मन्त्रालयले डिसेम्बरसम्म ५७ हजार जनाभन्दा धेरै आप्रवासी डुङ्गामा स्पेन आइपुगेको जनाएको छ ।

अन्तिम अपडेट: पुस १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

समुद्री मार्गबाट स्पेन पुग्ने प्रयास गर्दा एकै वर्ष १० हजार जनाभन्दा धेरै आप्रवासीको ज्यान गयो

फाइल फाेटाे

तपाईको प्रतिक्रिया