मिथिला माध्यमिकी परिक्रमा यात्रीको स्वागतका लागि महोत्तरीको मटिहानीमा सार्वजनिक बिदा

फागुन १८, २०८१ आइतबार ९:२४:२३ | उज्यालो सहकर्मी

काठमाण्डौ – मिथिला माध्यमिकी परिक्रमाका यात्रीको स्वागत र परिक्रमा मेलामा सहभागिताका लागि महोत्तरीको मटिहानी नगरपालिकाले आज सार्वजनिक बिदा दिएको छ । नगर कार्यपालिकाको कार्यालयले सार्वजनिक बिदा दिने निर्णय गरेको हो ।

मिथिला माध्यमिकी परिक्रमा सांस्कृतिक तथा धार्मिक उत्सव भएको हुँदा आफ्नो ठाउँमा आइपुग्ने यात्री र अतिथिको स्वागतमा सबैको सहभागिताका लागि सार्वजनिक बिदा दिइएको मेयर हरिप्रसाद मण्डलले बताउनुभयो ।

मिथिला माध्यमिकी परिक्रमाको ‘डोला’ (श्रीराम सीताको प्रतिमा राखिएको) साथ यात्राका सहभागी आज मटिहानी आइपुग्दैछन् ।

यात्राको चौथो दिन ‘डोला’ मटिहानी आइपुग्ने मिथिलाको परम्परा हो । आफ्नो ठाउँमा मेला र रात्रि विश्राम पर्ने दिन जलेश्वर नगरपालिका, महोत्तरी गाउँपालिका, बलवा नगरपालिका र भङ्गाहा नगरपालिका कार्यालयले पनि सार्वजनिक बिदा दिँदै आएका छन् ।

गएको बिहीवार धनुषाको मिथिला विहारी–८ कचुरीको मिथिला विहारी मन्दिरबाट श्रीराम र जनकपुरधाम–८ सुन्दरसदन मठबाट सीताजीको प्रतिमा ‘डोला’ मा राखेर शरू भएको यात्रा १५ रात बिताएर १६औँ दिन बिहान जनकपुरधामको अन्तरगृह परिक्रमा गरेर सम्पन्न गरिने परम्परा छ ।

यो यात्रामा महोत्तरीका पाँच, धनुषाका छ र भारतको मधुवनी जिल्लामा चार पडावस्थल (रात्रि विश्रामस्थल) को चलन छ ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्