चारदेशीय टी–२० शृङ्खला खेल्न युगान्डा जाने नेपाली महिला टोलीको बिदाइ

 फागुन २१, २०८१ बुधबार १७:३३:३ | उज्यालो सहकर्मी
unn.prixa.net

तस्वीर : क्यान

काठमाण्डाै – युगान्डामा हुने ‘वुमन्स डे’ कप टी–२० अन्तर्राष्ट्रिय क्रिकेट शृङ्खला खेल्न जाने नेपाली राष्ट्रिय क्रिकेट टोलीको बिदाइ भएको छ । नेपाल क्रिकेट सङ्घ (क्यान) ले आज एक कार्यक्रमका बीच टोलीलाई बिदाइ गरेको हो ।

बिदाइ कार्यक्रममा क्यानका सचिव पारस खड्का, प्रवक्ता छुम्पी लामा लगायतका प्रतिनिधि सहभागी थिए । नेपाली टोलीकी कप्तान इन्दु बर्माले राम्रो क्रिकेट खेलेर फर्किने प्रतिक्रिया दिएकी छिन् ।

यही फागुन २४ गतेदेखि चैत ३ गतेसम्म हुने चारदेशीय प्रतियोगितामा नेपाल, युगान्डा, नामिबिया र हङकङ सहभागी छिन् । डबल राउन्ड रोबिनको आधारमा हुने प्रतियोगितामा शीर्ष दुई टोली फाइनलमा पुग्नेछन् ।

प्रतियोगिताका लागि नेपाली टोली घोषणा भइसकेको छ । नेपालले आउँदो शनिवार नामिबियासँग खेल्दै प्रतियोगिताको शुरुआत गर्नेछ ।

अन्तिम अपडेट: फागुन २१, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया