जाजरकोट भूकम्पमा परी ८ जना घाइते

चैत २३, २०८१ शनिबार १८:२४:५६ | रासस

काठमाण्डौ – जाजरकोटको कुसे गाउँपालिका–९ पैङ्कमा केन्द्रविन्दु बनाएर गएराति गएको ५ दशमलव २ म्याग्निच्युड र ५ दशमलव ५ म्याग्निच्युडका दुईवटा भूकम्पमा परी आठजना घाइते भएको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले अहिलेसम्म सम्बन्धित जिल्ला प्रशासन कार्यालय तथा राष्ट्रिय आपत्कालीन कार्यसञ्चालन केन्द्रबाट प्राप्त विवरणअनुसार भूकम्पमा परी रुकुमपश्चिममा दुई र जाजरकोटमा ६ जना घाइते भएको जनाएको छ ।

प्राधिकरणका प्रवक्ता रामबहादुर केसीका अनुसार जाजरकोट, रुकुमपश्चिम र कालीकोट जिल्लाका केही निजी घर तथा सरकारी भवनहरुमा सामान्य चिरा परेको एवम् भवनहरु चर्किएको छ । अधिकांश व्यक्तिहरु बसिरहेका भवन संरचना भत्किएरभन्दा पनि भूकम्प आएको बेला आत्तिएर घरको छत वा अग्लो भागबाट हामफाल्दा, असावधानीपूर्वक घरबाहिर अत्तालिएर भाग्न खोज्दा घाइते भएका पनि प्राधिकरणले जनाएको छ । लगातार दुई भूकम्पको कम्पन जाजरकोट, सल्यान, रुकुम, दैलेख, सुर्खेतलगायतका जिल्लामा महसुस गरिएका थियाे। स्थानियबासिन्दा राति अबेरसम्म खुला ठाउँमा बसेका थिए ।

जाजरकोटका प्रमुख जिल्ला अधिकारी मेखबहादुर मगरातीले भत्केका घर, भुइँचालोको बेला भागदौडमा चोटपटक लागेका नागरिकको उद्धार गर्न राति नै सुरक्षाकर्मी परिचालन गरिएको जानकारी दिनुभयो ।

२०८० साल कात्तिक १७ गते जाजरकोटको रामीडाँडा केन्द्रबिन्दू बनाएर गएको ६ दशमलव ४ म्याग्निच्युडको भूकम्पबाट जाजरकोट र रुकुमपश्चिमका एक सय ५४ जनाको ज्यान गएको थियो । जाजरकोट, रुकुमपश्चिम, सल्यानलगायतका जिल्लामा निजी घर, विद्यालय र सरकारी भवनमा क्षति भएको थियो ।

अन्तिम अपडेट: चैत २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जाजरकोट भूकम्पमा परी ८ जना घाइते

प्रतीकात्मक तस्बिर

तपाईको प्रतिक्रिया