आईपीएल क्रिकेटमा राजस्थान रोयल्स् र दिल्ली क्यापिटल्स विजयी

चैत २४, २०८१ आइतबार ६:३१:२६ | उज्यालो सहकर्मी

काठमाण्डौ – इन्डियन प्रिमियर लिग (आईपीएल) क्रिकेटमा हिजो भएका खेलमा राजस्थान रोयल्स् र दिल्ली क्यापिटल्स विजयी भएका छन् । हिजो भएको दोश्रो खेलमा राजस्थान रोयल्स्ले पञ्जाब किङ्ग्सलाई ५० रनले हराएको छ । राजस्थानले दिएको दुई सय छ रनको लक्ष्य पछ्याएको पञ्जाबले नौ विकेट गुमाएर एक सय ५५ रन मात्र बनाउन सक्यो ।

त्यसअघि मुल्लनपुरमा टस हारेर ब्याटिङ गरेको राजस्थानले चार विकेट गुमाएर दुई सय पाँच रन बनायो । जीतसँगै राजस्थान चार खेलमा चार अङ्कसहित तालिकाको सातौं स्थानमा छ । तीन खेलमा चार अङ्कसहित पञ्जाब चौथो स्थानमा छ ।

पहिलो खेलमा दिल्लीले चेन्नई सुपर किङ्ग्सलाई २५ रनले हरायो । दिल्लीले दिएको एक सय ८४ रनको लक्ष्य पछ्याएको चन्नईले पाँच विकेट गुमाएर एक सय ५८ रन मात्र बनाउन सक्यो ।

त्यसअघि चेन्नईमा टस जितेर ब्याटिङ गरेको दिल्लीले निर्धारित २० ओभरमा छ विकेट गुमाएर एक सय ८३ रन बनायो । लगातार तीन खेलमा जीत निकालेको दिल्ली छ अङ्कसहित तालिकाको शीर्ष स्थानमा छ । चार खेल खेलेको चेन्नई दुई अङ्कसहित पुछारबाट दोश्रो स्थानमा छ ।

अन्तिम अपडेट: चैत २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आईपीएल क्रिकेटमा राजस्थान रोयल्स् र दिल्ली क्यापिटल्स विजयी

तस्बिर : एजेन्सी

तपाईको प्रतिक्रिया