च्याम्पियन्स लिगमा आज आठ खेल हुँदै

मंसिर २६, २०७५ बुधबार १७:२२:२७ | एजेन्सी

युरोपेली च्याम्पियन्स लिग अन्तर्गत बुधबार राति आठ खेल हुँदैछन् ।

स्पेनिस क्लब रियल मड्रिड रसियाको सीएसकेए मस्कोसँग खेल्दैछ । समूह जीमा चार जित र एक बराबरीको नतिजा निकाल्दै रियल मड्रिडले नकआउट चरणमा स्थान बनाइसकेको छ । यो समूहबाट इटालियन क्लब रोमा समूहको उपविजेता बन्दै नकआउट चरणमा पुगेको छ ।

चेक गणतन्त्रको भिक्टोरिया प्लाजेन र मस्कोभा भने बाहिरिसकेका छन् । यो समूहको दुवै खेल औपचारिकताका लागि मात्र हो । रोमाले भने भिक्टोरिया प्लाजेनसँग खेल्नेछ । दुवै खेल नेपाली समयअनुसार ११ः४० मा हुनेछ ।

यस्तै जर्मन क्लब बायर्न म्युनिख नेदरल्याण्ड्सको आयाक्ससँग खेल्नेछ । समूह ईबाट दुवै क्लब नकआउट चरणमा पुगे पनि आजको खेलले समूहको विजेता र उपविजेताको निर्धारण गर्नेछ । विजयी टिम समूहको विजेता बन्नेछ । तर खेल बराबरीमा सकिएमा बायर्न विजेता बन्नेछ । अर्को खेलमा पोर्चुगिज क्लब बेन्फिका र ग्रीसको एईके एथेन्स खेल्नेछन् । दुवै खेल राति पौने १२ बजे हुनेछ ।

इंग्लिस क्लब म्यानचेस्टर सिटी होफेनहेमसँग खेल्नेछ । समूह एफमा १० अंक बनाएर सिटीले नकआउट चरणमा स्थान बनाइसकेको छ । अर्को खेलमा युक्रेनको शाक्टार डोनेस्ट्क र फ्रान्सको लियोन खेल्नेछन् । लियोनलाई हराएर शाक्टार नकआउट चरणमा पुग्न चाहन्छ । तर खेल बराबरी भएमा लियोन नकआउट चरणमा पुग्नेछ ।

च्याम्पियन्स लिगको समूह चरणको अन्तिम खेलमा युभेन्टस स्वीट्जरल्याण्डको योङ ब्वाइजसँग र म्यानचेस्टर युनाइटेड स्पेनिस क्लब भ्यालेन्सियासँग खेल्नेछ । समूह एचबाट युभेन्टस र म्यानचेस्टर युनाइटेड नकआउट चरणमा पुगिसकेका छन् । तर आजको खेलले समूहको विजेता र उपविजेताको टुंगो लगाउनेछ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्