भुरीगाउँको खानेपानी ट्याङ्कीभित्र पसेका ३ जनाको फोटो सामाजिक सञ्जालमा भाइरल

जेठ ३१, २०७५ बिहीबार १९:५४:९ | भावुक योगी

बर्दिया – ठाकुरबाबा नगरपालिका–१, भुरीगाउँ बजारमा रहेको भूरीगाउँ खानेपानी उपभोक्ता तथा सरसफाई समितिको खानेपानी ट्याङ्की भित्र ३ जना व्यक्ति पसेको फोटो यतिबेला सामाजिक सञ्जाल फेसबुकमा भाइरल बनेको छ ।

ट्याङ्कीभित्र तीन जना पसेको फोटो एक जना कर्मचारीले खिचेर फेसबुकमा राखेपछि फोटो सामाजिक सञ्जालमा भाइरल बनेको हो । खानेपानी ट्याङ्कीभित्र डुबुल्की मार्न गएको शंका गर्दै सामाजिक सञ्जालमा उपभोक्ताहरुले आक्रोश समेत पोखेका छन् ।

‘सामाजिक सञ्जाल फेसबुकमा आएको फोटो सत्य हो’, भूरीगाउँ खानेपानी उपभोक्ता तथा सरसफाई समितिका सचिव चन्द्रमणि पौडेलले भन्नुभयो, ‘तर कर्मचारीहरु ट्याङ्की सफाईका लागि भित्र पसेका हुन्, त्यो ट्याङ्की सफाईपछि सबै पानी उपभोक्तालाई नदिई बाहिर फालिएको छ ।’

‘ट्याङ्कीभित्र पसेर यसरी हरेक ४ देखि ५ महिना भित्रमा सफाई गरिन्छ र फोहोर पानी बाहिर फालिन्छ’, यसपटक झाडापखाला प्रकोपको खबर आएपछि ट्याङ्की सफाई गरिएको भूरीगाउँ खानेपानी उपभोक्ता तथा सरसफाई समितिका अध्यक्ष मणिराज जैशीले भन्नुभयो ।

उपभोक्तालाई सूचना नदिई ट्याङ्की भित्र पस्नुले ट्याङ्की सफाइ गरिएको पानी उपभोक्तालाई सिधै दिइएको भन्ने आशंका गर्दै उपभोक्ताहरु आक्रोशित भएका छन् ।

२ लाख २५ हजार लिटर क्षमता रहेको ट्याङ्कीमा झण्डै आधा भागमा पानी छ तर खानेपानीका कर्मचारीहरु सफाइमा पुगेको भनाईप्रति अधिकांश उपभोक्ताहरु सन्तुष्ट छैनन् ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भुरीगाउँको खानेपानी ट्याङ्कीभित्र पसेका ३ जनाको फोटो सामाजिक सञ्जालमा भाइरल

ट्यांकी सफा गर्न पसेका कर्मचारी

तपाईको प्रतिक्रिया