ए डिभिजन लिग : एपीएफले मच्छिन्द्रलाई ३–१ ले हरायो

पुष ३, २०७५ मंगलबार १५:२७:२७ | उज्यालो सहकर्मी

काठमाडौं – शहीद स्मारक ए डिभिजन लिगमा सशस्त्र प्रहारीको एपीएफले र मच्छिन्द्र क्लबलाई तीन–एकले हराएको छ ।

सातदोबाटोमा रहेको एन्फा मैदानमा भएको खेलको तेस्रो मिनेटमा नै एपीएफले अग्रता बनायो । उसका लागि आशिष लामाले पहिलो गोल गरे । त्यसपछि १२ औँ मिनेटमा युवराज खड्काको गोलमार्फत एपीएफले खेलमा दुई–शून्यको अग्रता बनायो ।

दुई गोलले पछि परेको मच्छिन्द्रले ३३ औँ मिनेटमा विदेशी खेलाडी अलाबा एडेमोलाको गोलमार्फत अन्तर दुई–एकमा झार्यो । त्यसपछि दुवै टिमबाट गोल हुन सकेन र एपीएफ दुई–एकले अगाडि रह्यो ।

दोस्रो हाफमा भने मच्छिन्द्रले खेलमा फर्कने दुई वटा राम्रा मौका पाएको थियो । तर उसका स्ट्राइकर चुक्न पुगे । जसका कारण उसले लिगमा छैटौँ हार व्यहोर्यो । खेलको ८८ औँ मिनेटमा रुपबहादुर लामाले फ्रिकिकबाट उत्कृष्ट गोल गर्दै एपीएफलाई तीन एकको जित दिलाए ।

जितसँगै एपीएफले १३ अंक बनाएको छ । उसले नौ खेलमा चार जित, चार हार र एक बराबरी खेलको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्