मनाङकाे अपराजित यात्रा कायमै: च्यासलविरुद्ध तीन-एकको जित

पुष ३, २०७५ मंगलबार १७:६:४४ | उज्यालो सहकर्मी

काठमाडाैं - पल्सर शहीद स्मारक ए डिभिजन लिगमा उपाधिको प्रवल दावेदार मनाङ मर्स्याङदी क्लबले अपराजित यात्रालाई कायमै राख्दै नवाैं जित निकालेको छ ।

मंगलबार भएको खेलमा मनाङले च्यासलविरुद्ध तीन-एक को जित निकालेकाे हाे।

सातदोबाटोमा रहेकाे एन्फा मैदानमा भएका खेलको सुरुवातमा केही दबाब दिएको च्यासलले समय बित्दै गएपछि आफ्नो लय गुमाउन पुग्यो । मनाङका लागि विदेशी खेलाडी एडीजेला सोमिडीले गोल गरे । उनले अफिज ओलाओलेको पासको सदुपयोग गरेका थिए ।

एक गोलले अगाडि रहेको मनाङले त्यसपछि पहिलो हाफमा डरलाग्दो आक्रमण बनाउन सकेन ‍।

दोस्रो हाफको सुरुवातमा नै आक्रामक रुपमा उत्रिएको मनाङले ५८ औं मिनेटमा अञ्जन विष्टको प्रहार पोष्ट नजिकैबाट बाहिरियो । ६४ औं मिनेटमा मनाङका अफिज ओलाओलेको प्रहारलाई दिनेश राजवंशीले बचाए ।

७२ औं मिनेटमा मनाङले दोस्रो गोल थप्यो । यसपटक विदेशी खेलाडी अफिज ओलाओलेको प्रहारलाई च्यासलका गोलकिपरले बचाउन सकेनन । त्यसपछि ८८ औं मिनेटमा सब्सिच्युट खेलाडी विमल रानाले मनाङका लागि तेस्रो गोल गरे ।

खेलको इन्जुरी समयको पहिलो मिनेटमा च्यासलले पेनाल्टी मार्फत गोल गर्यो । मनाङका मुहम्मद आसिफले डिबक्समा हातले बल रोकेपछि पाएको पेनाल्टीलाई देवेन्द्र तामाङले गोलमा परिणत गरे । त्यसपछि च्यासल खेलमा फर्कन सकेन र मनाङ विजयी भयो । जितसँगै मनाङले नौ खेलबाट २७ अंक बनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्