ए डिभिजन लिग : उपाधि दाबीकाे लागि जित्नैपर्ने दबाबमा थ्रीस्टार

पुष ४, २०७५ बुधबार ६:४७:७ | उज्यालो सहकर्मी

पल्सर शहीद स्मारक ए डिभिजन लिगमा बुधबार थ्रीस्टार क्लब र त्रिभुवन आर्मी क्लबबीच प्रतिस्पर्धा हुँदैछ ।

लिगको महत्वपूर्ण यो खेलले थ्रीस्टारको उपाधि अभियानको सम्भावना थप प्रस्ट्याउने छ । किनभने तालिकामा थ्रीस्टार २१ अंक सहित तेस्रो स्थानमा छ । आर्मी १७ अंकसहित चौथो स्थानमा छ ।

थ्रीस्टार पराजित भएको खण्डमा उसलाई उपाधि अभियानमा गम्भीर धक्का लाग्नेछ । उपाधिको दाबेदारिता कायम राख्नका लागि थ्रीस्टारलाई यो खेल जित्नै पर्ने दबाब छ ।

दोहोरो पहेँलो कार्डका कारण आर्मीका कप्तान भरत खवासले खेल गुमाउनेछन् । जसको फाइदा थ्रीस्टारले उठाउन सक्नेछ ।

आर्मी भने शीर्ष स्थानको मनाङ मर्स्याङ्दी क्लबभन्दा १० अंकले पछि छ । करिव उपाधि होडबाट बाहिरिसकेको आर्मीले बराबरीमात्र गरेपनि थ्रीस्टारलाई घाटा लाग्नेछ । एन्फा कम्प्लेक्स सातदोबाटोमा हुने यो खेल दिउँसो साँढे दुई बजे हुनेछ ।

त्यसअघि बिहान एघार बजे विभागीय टिम नेपाल पुलिस क्लब ब्रिगेड ब्वाइज क्लबसँग खेल्नेछ । आठ खेल सकिँदा नेपाल पुलिस क्लब १४ अंकसहित पाँचौं स्थानमा छ ।

ब्रिगेड ब्वाइज क्लब चार अंक जोड्दै पुछारबाट तेस्रो स्थानमा छ । ब्रिगेड ब्वाइजका लागि पुलिससँग अंक खोस्नु नै ठूलो सफलता हुनेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्