इलाममा ‘मेची पर्यटन महोत्सव’ को रौनक (फोटो फिचर)

पुष ५, २०७५ बिहीबार १९:३०:५ | सुजता सुनुवार

इलाम – प्रदेश नम्बर एकका चार जिल्ला इलाम, झापा, पाँचथर र ताप्लेजुङका समग्र पर्यटन प्रवर्द्धन गर्ने उद्देश्यले बिहीबारदेखि इलाममा प्रथम ‘मेची क्षेत्र पर्यटन महोत्सव’ भव्यताका साथ सुरु भएको छ ।

इलाम पर्यटन प्रवर्द्धन सरोकार समितिको आयोजनामा १२ दिने महोत्सवको विभिन्न जातीय झाँकीसहित सुरु भएको हो । इलाम सदरमुकामको धोवीधाराबाट सुरु भएको जातीय झाँकी सहितको र्‍यालीले इलाम बजार परिक्रमा गरी इलामको ठूलो टुँडिखेलमा प्रवेश गरेपछि महोत्सवको उद्घाटन भएको थियो ।

प्रदेश १ का उद्योग, पर्यटन, वन तथा वातावरण मन्त्री जगदीश कुसियतले महोत्सवको उत्घाटन गर्नु भएको थियो । महोत्सवको उद्घाटन गर्दै मन्त्री कुसियतले पर्यटनको विकास हुन नसक्नुको एउटै कारण राजनीतिक अस्थिरता भएको बताउनुभयो । अहिले भने प्रदेश सरकारले आर्थिक सम्बृद्धि गर्नको निम्ति पर्यटनलाई प्राथमिकतामा राखेर काम गरिरहेको दावी समेत गर्नु भयो ।

इलाम सदरमुकाममा रहेको ठूलो टुँडिखेलमा आगामी पुस १६ गतेसम्म चल्ने महोत्सवमा चार जिल्लाका व्यवसायीयहरुले आ–आफ्नो जिल्लामा उत्पादित सामग्रीको प्रदर्शन गरेका छन् । चार जिल्लामा उत्पादित कृषिजन्य, औद्योगिक तथा व्यावसायिक सामग्रीहरुको विभिन्न ६६ वटा स्टलहरु प्रदशर्नीमा राखिएका छन् ।

यसका साथै चार जिल्लामा बसोबास गर्ने विभिन्न जातजातिको लोप हुन लागेको कला संस्कृति, जातीय खानाको परिकारहरु, दुर्लभ जीवजन्तु चौंरीगाई र पर्यटकीय क्षेत्रको प्रचारप्रसार सामग्रीसमेत राखिएका छन् ।

महोत्सवमा ५० हजार पर्यटक भित्र्याउने लक्ष्य राखिएको आयोजक इलाम पर्यटन प्रवद्र्धन सरोकार समितिका सचिव देवी पौडेलले जानकारी दिनु भएको छ । उहाँले भन्नु भयो, ‘झापा, पाँचथर, ताप्लेजुङ र इलाममा पालैपालो आयोजना हुने ‘मेची क्षेत्र पर्यटन महोत्सव’ को सुरुवात इलामबाट भएको हो ।’ नेपालका विभिन्न क्षेत्रका साथै भारतको सिक्किम, दार्जीलिङ र पश्चिम बंगालबाट पर्यटकहरु महोत्सवमा सहभागी भएका छन् ।

महोत्सवका १२ दिन नै विभिन्न कार्यक्रमहरु समेत आयोजना गरिने आयोजकले जनाएको छ । महोत्सवको अन्तिम दिन अर्को वर्ष महोत्सव आयोजना गर्ने जिल्लालाई महोत्सवको लोगो हस्तान्तरण गरिने आयोजकका महासचिव पौडेलले जानकारी दिनुभयो ।

महोत्सवमा साहित्यिक कार्यक्रम, सांस्कृतिक कार्यक्रम, खेलकुदका कार्यक्रमका साथै सम्मानका साथै हरेक दिन सांस्कृतिक कार्यक्रम गरिने छ । महोत्सवस्थलमा रमाइलो मेलासमेत सुरु भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्