भोजपुरमा बलात्कारसहित अन्य मुद्दाका ५ जना जेल चलान

पुष ६, २०७५ शुक्रबार ७:१५:२ | उज्यालो सहकर्मी

भोजपुर – भोजपुर जिल्ला अदालतले विभिन्न मुद्दाका ५ जनालाई जेल चलानकाे फैसला सुनाएको छ ।

जिल्ला अदालतले भोजपुरले अरुण गाउँपालिका–४ चरम्बीका १४ वर्षीय निशान नेपालीलाई त्यही ठाउँकी बालिकालाई करणी गरेको आरोपमा एक महिना कैद र रु ५० हजार जरिवानकोे फैसला सुनाएको छ ।

त्यसैगरी २६ वर्षीया युवतीलाई बलात्कार गरेको आरोपमा अरुण गाउँपालिका–४ चरम्बीका सन्तोष विश्वकर्मालाई ६ वर्ष कैद र रु ५० हजार जरिवनाको फैसला गरेको छ । विश्वकर्माले गएकाे असोज ६ गते त्यही ठाउँकी युवतीलाई बलात्कार गरेका थिए ।

त्यस्तै, कर्तव्य ज्यान मुद्दामा रामप्रसाद राई गाउँपालिका–७ बासिखोराका ४० वर्षीय नरकुमार भन्ने सुमन राईलाई ११ वर्ष कैदसहित १ लाख रुपैयाँ जरिवानाको फैसला गरेको छ । राईले गएको कात्तिक २४ गते भाइटिकाको दिन ४७ वर्षीया दिदीलाई कुखुराको खोरको ढोका लगाउन प्रयोग गरिने काठले टाउकोमा हिर्काएर हत्या गरेको जिल्ला अदालत भोजपुरले जनाएको छ ।

बहुविवाहको आरोपमा भोजपुरको षडानन्द नगरपालिका–१३ बोयाका प्रवीन श्रेष्ठ र भोजपुर नगरपालिका–१ बस्ने इन्दिरा तामाङलाई १ वर्ष ६ महिना कैद सजायसहित रु १५÷१५ हजार क्षतिपूर्तिको फैसला गरेकोे छ । श्रेष्ठ र तामाङले गएको कात्तिक ७ गते विवाह गरेका थिए । जिल्ला न्यायाधीश हरिश्चन्द्र इङ्नामको एकल इजलाशले आदेश दिएको बताइएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्