काठमाडौं – राष्ट्रिय महिला आयोगले महिलाहरुको प्रजनन स्वास्थ्य समस्या समाधानका लागि पर्याप्त बजेटको व्यवस्था गर्न सरकारको गम्भीर ध्यानाकर्षण गराएको छ ।

राष्ट्रिय महिला आयोगका सचिव अनिलकुमार ठाकुरले प्रजनन स्वास्थ्य समस्या समाधानका लागि पर्याप्त बजेटको व्यवस्था गर्न सरकारको ध्यानाकर्षण गराउनु भएको हो । शुक्रबार काठमाडौंमा आयोजित एक कार्यक्रममा बोल्दै उहाँले प्रजनन् स्वास्थ्य समस्या समाधानका लागि जनचेतनामूलक कार्यक्रम संचालन गर्न पनि जोड दिनुपर्ने आवश्यक्ता औंल्याउनुभयो ।

सचिव ठाकुरले दक्ष जनशक्तिको अभावमा पनि महिलाको प्रजनन् स्वास्थ्य सम्बन्धी समस्या बढ्दै गएको तथ्यांकबारे पनि स्मरण गराउनुभयो । सचिव ठाकुरले महिला प्रजनन् स्वास्थ्यमा समस्या आउन नदिन सामाजिक अभियान नै सञ्चालन गर्नुपर्ने पनि बताउनुभयो ।